| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. នវសុត្តវណ្ណនា
4. Navasuttavaṇṇanā
២៣៨. អភិចេតសិ និស្សិតា អាភិចេតសិកា។ បដិបក្ខវិធមនេន អភិវិសិដ្ឋំ ចិត្តំ អភិចិត្តំ។ យស្មា ឈានានំ តំសម្បយុត្តំ ចិត្តំ និស្សាយ បច្ចយោ ហោតិយេវ, តស្មា ‘‘និស្សិតាន’’ន្តិ វុត្តំ។ និកាមលាភីតិ យថិច្ឆិតលាភី ។ យថាបរិច្ឆេទេនាតិ យថាកតេន កាលបរិច្ឆេទេន។ វិបុលលាភីតិ អប្បមាណលាភី។ ‘‘កសិរ’’ន្តិ ហិ បរិត្តំ វុច្ចតិ, តប្បដិបក្ខេន អកសិរំ អប្បមាណំ។ តេនាហ ‘‘បគុណជ្ឈានោតិ អត្ថោ’’តិ។ សិថិលមារព្ភាតិ សិថិលំ វីរិយារម្ភំ កត្វាតិ អត្ថោតិ អាហ ‘‘សិថិលំ វីរិយំ បវត្តេត្វា’’តិ។
238. Abhicetasi nissitā ābhicetasikā. Paṭipakkhavidhamanena abhivisiṭṭhaṃ cittaṃ abhicittaṃ. Yasmā jhānānaṃ taṃsampayuttaṃ cittaṃ nissāya paccayo hotiyeva, tasmā ‘‘nissitāna’’nti vuttaṃ. Nikāmalābhīti yathicchitalābhī . Yathāparicchedenāti yathākatena kālaparicchedena. Vipulalābhīti appamāṇalābhī. ‘‘Kasira’’nti hi parittaṃ vuccati, tappaṭipakkhena akasiraṃ appamāṇaṃ. Tenāha ‘‘paguṇajjhānoti attho’’ti. Sithilamārabbhāti sithilaṃ vīriyārambhaṃ katvāti atthoti āha ‘‘sithilaṃ vīriyaṃ pavattetvā’’ti.
នវសុត្តវណ្ណនា និដ្ឋិតា។
Navasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. នវសុត្តំ • 4. Navasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. នវសុត្តវណ្ណនា • 4. Navasuttavaṇṇanā
