| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ནཱཝཱསུཏྟཾ
10. Nāvāsuttaṃ
༡༥༨. ‘‘སེཡྻཐཱཔི, བྷིཀྑཝེ, སཱམུདྡིཀཱཡ ནཱཝཱཡ ཝེཏྟབནྡྷནབནྡྷཱཡ ཚ མཱསཱནི ཨུདཀེ པརིཡཱདཱཡ 1 ཧེམནྟིཀེན ཐལཾ ཨུཀྑིཏྟཱཡ ཝཱཏཱཏཔཔརེཏཱནི བནྡྷནཱནི ཏཱནི པཱཝུསྶཀེན མེགྷེན ཨབྷིཔྤཝུཊྛཱནི ཨཔྤཀསིརེནེཝ པཊིཔྤསྶམྦྷནྟི, པཱུཏིཀཱནི བྷཝནྟི; ཨེཝམེཝ ཁོ, བྷིཀྑཝེ, བྷིཀྑུནོ ཨརིཡཾ ཨཊྛངྒིཀཾ མགྒཾ བྷཱཝཡཏོ ཨརིཡཾ ཨཊྛངྒིཀཾ མགྒཾ བཧུལཱིཀརོཏོ ཨཔྤཀསིརེནེཝ སཾཡོཛནཱནི པཊིཔྤསྶམྦྷནྟི, པཱུཏིཀཱནི བྷཝནྟི ། ཀཐཉྩ, བྷིཀྑཝེ, བྷིཀྑུནོ ཨརིཡཾ ཨཊྛངྒིཀཾ མགྒཾ བྷཱཝཡཏོ ཨརིཡཾ ཨཊྛངྒིཀཾ མགྒཾ བཧུལཱིཀརོཏོ ཨཔྤཀསིརེནེཝ སཾཡོཛནཱནི པཊིཔྤསྶམྦྷནྟི, པཱུཏིཀཱནི བྷཝནྟི? ཨིདྷ, བྷིཀྑཝེ, བྷིཀྑུ སམྨཱདིཊྛིཾ བྷཱཝེཏི…པེ॰… སམྨཱསམཱདྷིཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ…པེ॰… ཨེཝཾ ཁོ, བྷིཀྑཝེ, བྷིཀྑུནོ ཨརིཡཾ ཨཊྛངྒིཀཾ མགྒཾ བྷཱཝཡཏོ ཨརིཡཾ ཨཊྛངྒིཀཾ མགྒཾ བཧུལཱིཀརོཏོ ཨཔྤཀསིརེནེཝ སཾཡོཛནཱནི པཊིཔྤསྶམྦྷནྟི, པཱུཏིཀཱནི བྷཝནྟཱི’’ཏི། དསམཾ།
158. ‘‘Seyyathāpi, bhikkhave, sāmuddikāya nāvāya vettabandhanabandhāya cha māsāni udake pariyādāya 2 hemantikena thalaṃ ukkhittāya vātātapaparetāni bandhanāni tāni pāvussakena meghena abhippavuṭṭhāni appakasireneva paṭippassambhanti, pūtikāni bhavanti; evameva kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavanti . Kathañca, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavanti? Idha, bhikkhave, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavantī’’ti. Dasamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. ནཱཝཱསུཏྟཝཎྞནཱ • 10. Nāvāsuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༨-༩-༡༠. པཋམམེགྷསུཏྟཱདིཝཎྞནཱ • 8-9-10. Paṭhamameghasuttādivaṇṇanā
