| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
8. நாவாஸுத்தங்
8. Nāvāsuttaṃ
318.
318.
யஸ்மா ஹி த⁴ம்மங் புரிஸோ விஜஞ்ஞா, இந்த³ங்வ நங் தே³வதா பூஜயெய்ய;
Yasmā hi dhammaṃ puriso vijaññā, indaṃva naṃ devatā pūjayeyya;
ஸோ பூஜிதோ தஸ்மி பஸன்னசித்தோ, ப³ஹுஸ்ஸுதோ பாதுகரோதி த⁴ம்மங்.
So pūjito tasmi pasannacitto, bahussuto pātukaroti dhammaṃ.
319.
319.
தத³ட்டி²கத்வான நிஸம்ம தீ⁴ரோ, த⁴ம்மானுத⁴ம்மங் படிபஜ்ஜமானோ;
Tadaṭṭhikatvāna nisamma dhīro, dhammānudhammaṃ paṭipajjamāno;
விஞ்ஞூ விபா⁴வீ நிபுணோ ச ஹோதி, யோ தாதி³ஸங் ப⁴ஜதி அப்பமத்தோ.
Viññū vibhāvī nipuṇo ca hoti, yo tādisaṃ bhajati appamatto.
320.
320.
கு²த்³த³ஞ்ச பா³லங் உபஸேவமானோ, அனாக³தத்த²ஞ்ச உஸூயகஞ்ச;
Khuddañca bālaṃ upasevamāno, anāgatatthañca usūyakañca;
இதே⁴வ த⁴ம்மங் அவிபா⁴வயித்வா, அவிதிண்ணகங்கோ² மரணங் உபேதி.
Idheva dhammaṃ avibhāvayitvā, avitiṇṇakaṅkho maraṇaṃ upeti.
321.
321.
யதா² நரோ ஆபக³மோதரித்வா, மஹோத³கங் ஸலிலங் ஸீக⁴ஸோதங்;
Yathā naro āpagamotaritvā, mahodakaṃ salilaṃ sīghasotaṃ;
ஸோ வுய்ஹமானோ அனுஸோதகா³மீ, கிங் ஸோ பரே ஸக்க²தி தாரயேதுங்.
So vuyhamāno anusotagāmī, kiṃ so pare sakkhati tārayetuṃ.
322.
322.
ததே²வ த⁴ம்மங் அவிபா⁴வயித்வா, ப³ஹுஸ்ஸுதானங் அனிஸாமயத்த²ங்;
Tatheva dhammaṃ avibhāvayitvā, bahussutānaṃ anisāmayatthaṃ;
ஸயங் அஜானங் அவிதிண்ணகங்கோ², கிங் ஸோ பரே ஸக்க²தி நிஜ்ஜ²பேதுங்.
Sayaṃ ajānaṃ avitiṇṇakaṅkho, kiṃ so pare sakkhati nijjhapetuṃ.
323.
323.
யதா²பி நாவங் த³ள்ஹமாருஹித்வா, பி²யேன 1 ரித்தேன ஸமங்கி³பூ⁴தோ;
Yathāpi nāvaṃ daḷhamāruhitvā, phiyena 2 rittena samaṅgibhūto;
ஸோ தாரயே தத்த² ப³ஹூபி அஞ்ஞே, தத்ரூபயஞ்ஞூ குஸலோ முதீமா 3.
So tāraye tattha bahūpi aññe, tatrūpayaññū kusalo mutīmā 4.
324.
324.
ஏவம்பி யோ வேத³கு³ பா⁴விதத்தோ, ப³ஹுஸ்ஸுதோ ஹோதி அவேத⁴த⁴ம்மோ;
Evampi yo vedagu bhāvitatto, bahussuto hoti avedhadhammo;
ஸோ கோ² பரே நிஜ்ஜ²பயே பஜானங், ஸோதாவதா⁴னூபனிஸூபபன்னே.
So kho pare nijjhapaye pajānaṃ, sotāvadhānūpanisūpapanne.
325.
325.
தஸ்மா ஹவே ஸப்புரிஸங் ப⁴ஜேத², மேதா⁴வினஞ்சேவ ப³ஹுஸ்ஸுதஞ்ச;
Tasmā have sappurisaṃ bhajetha, medhāvinañceva bahussutañca;
அஞ்ஞாய அத்த²ங் படிபஜ்ஜமானோ, விஞ்ஞாதத⁴ம்மோ ஸ ஸுக²ங் 5 லபே⁴தா²தி.
Aññāya atthaṃ paṭipajjamāno, viññātadhammo sa sukhaṃ 6 labhethāti.
நாவாஸுத்தங் அட்ட²மங் நிட்டி²தங்.
Nāvāsuttaṃ aṭṭhamaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 8. த⁴ம்மஸுத்த-(நாவாஸுத்த)-வண்ணனா • 8. Dhammasutta-(nāvāsutta)-vaṇṇanā
