| Library / Tipiṭaka / តិបិដក • Tipiṭaka / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā |
៩. នវមសិក្ខាបទវណ្ណនា
9. Navamasikkhāpadavaṇṇanā
៨៧៥. នវមេ – អភិសបេយ្យាតិ សបថំ ករេយ្យ។ និរយេន អភិសបតិ នាម ‘‘និរយេ និព្ពត្តាមិ, អវីចិម្ហិ និព្ពត្តាមិ, និរយេ និព្ពត្តតុ, អវីចិម្ហិ និព្ពត្តតូ’’តិ ឯវមាទិនា នយេន អក្កោសតិ។ ព្រហ្មចរិយេន អភិសបតិ នាម ‘‘គិហិនី ហោមិ, ឱទាតវត្ថា ហោមិ, បរិព្ពាជិកា ហោមិ, ឥតរា វា ឯទិសា ហោតូ’’តិ ឯវមាទិនា នយេន អក្កោសតិ; វាចាយ វាចាយ បាចិត្តិយំ។ ឋបេត្វា បន និរយញ្ច ព្រហ្មចរិយញ្ច ‘‘សុនខី សូករី កាណា កុណី’’តិអាទិនា នយេន អក្កោសន្តិយា វាចាយ វាចាយ ទុក្កដំ។
875. Navame – abhisapeyyāti sapathaṃ kareyya. Nirayena abhisapati nāma ‘‘niraye nibbattāmi, avīcimhi nibbattāmi, niraye nibbattatu, avīcimhi nibbattatū’’ti evamādinā nayena akkosati. Brahmacariyena abhisapati nāma ‘‘gihinī homi, odātavatthā homi, paribbājikā homi, itarā vā edisā hotū’’ti evamādinā nayena akkosati; vācāya vācāya pācittiyaṃ. Ṭhapetvā pana nirayañca brahmacariyañca ‘‘sunakhī sūkarī kāṇā kuṇī’’tiādinā nayena akkosantiyā vācāya vācāya dukkaṭaṃ.
៨៧៨. អត្ថបុរេក្ខារាយាតិ អដ្ឋកថំ កថេន្តិយា។ ធម្មបុរេក្ខារាយាតិ បាឡិំ វាចេន្តិយា។ អនុសាសនិបុរេក្ខារាយាតិ ‘‘ឥទានិបិ ត្វំ ឯទិសា, សាធុ វិរមស្សុ, នោ ចេ វិរមសិ, អទ្ធា បុន ឯវរូបានិ កម្មានិ កត្វា និរយេ ឧប្បជ្ជិស្សសិ, តិរច្ឆានយោនិយា ឧប្បជ្ជិស្សសី’’តិ ឯវំ អនុសាសនិយំ ឋត្វា វទន្តិយា អនាបត្តិ។ សេសំ ឧត្តានមេវ។
878.Atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti evaṃ anusāsaniyaṃ ṭhatvā vadantiyā anāpatti. Sesaṃ uttānameva.
តិសមុដ្ឋានំ – កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, វចីកម្មំ, អកុសលចិត្តំ, ទុក្ខវេទនន្តិ។
Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
នវមសិក្ខាបទំ។
Navamasikkhāpadaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៩. នវមសិក្ខាបទំ • 9. Navamasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៩. នវមសិក្ខាបទវណ្ណនា • 9. Navamasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមាទិសិក្ខាបទវណ្ណនា • 1. Paṭhamādisikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៩. នវមសិក្ខាបទំ • 9. Navamasikkhāpadaṃ
