| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
9. навамасигкаабад̣̇ам̣
9. Navamasikkhāpadaṃ
1158. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний бурисасам̣садтам̣ гумаарагасам̣садтам̣ жан̣д̣им̣ согааваасам̣ 1 жан̣д̣агаал̣им̣ сигкамаанам̣ вудтаабзд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бурисасам̣садтам̣ гумаарагасам̣садтам̣ жан̣д̣им̣ согааваасам̣ 2 жан̣д̣агаал̣им̣ сигкамаанам̣ вудтаабзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний бурисасам̣садтам̣ гумаарагасам̣садтам̣ жан̣д̣им̣ согааваасам̣ 3 жан̣д̣агаал̣им̣ сигкамаанам̣ вудтаабзд̇ийд̇и 4? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний бурисасам̣садтам̣ гумаарагасам̣садтам̣ жан̣д̣им̣ согааваасам̣ жан̣д̣агаал̣им̣ сигкамаанам̣ вудтаабзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1158. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ 5 caṇḍakāḷiṃ sikkhamānaṃ vuṭṭhāpeti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ 6 caṇḍakāḷiṃ sikkhamānaṃ vuṭṭhāpessatī’’ti…pe… saccaṃ kira, bhikkhave, thullanandā bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ 7 caṇḍakāḷiṃ sikkhamānaṃ vuṭṭhāpetīti 8? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ caṇḍakāḷiṃ sikkhamānaṃ vuṭṭhāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1159. ‘‘яаа бана бхигкуний бурисасам̣садтам̣ гумаарагасам̣садтам̣ жан̣д̣им̣ согааваасам̣ сигкамаанам̣ вудтаабзяяа, баажид̇д̇ияа’’нд̇и.
1159.‘‘Yā pana bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ sikkhamānaṃ vuṭṭhāpeyya, pācittiya’’nti.
1160. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1160.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бурисо наама бад̇д̇авийсад̇ивассо. гумаараго наама аббад̇д̇авийсад̇ивассо. сам̣садтаа наама анануломигзна гааяигаваажасигзна сам̣садтаа. жан̣д̣ий наама год̇ханаа вужжад̇и.
Puriso nāma pattavīsativasso. Kumārako nāma appattavīsativasso. Saṃsaṭṭhā nāma ananulomikena kāyikavācasikena saṃsaṭṭhā. Caṇḍī nāma kodhanā vuccati.
согааваасаа наама барзсам̣ д̣̇угкам̣ уббаад̣̇зд̇и, согам̣ аависад̇и. сигкамаанаа наама д̣̇вз вассаани часу д̇хаммзсу сигкид̇асигкаа. вудтаабзяяаад̇и убасамбаад̣̇зяяа.
Sokāvāsā nāma paresaṃ dukkhaṃ uppādeti, sokaṃ āvisati. Sikkhamānā nāma dve vassāni chasu dhammesu sikkhitasikkhā. Vuṭṭhāpeyyāti upasampādeyya.
‘‘вудтаабзссаамий’’д̇и г̇ан̣ам̣ ваа аажариним̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз убаж̇жхааяааяа аабад̇д̇и баажид̇д̇ияасса; г̇ан̣асса жа аажаринияаа жа аабад̇д̇и д̣̇уггадасса.
‘‘Vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyāya āpatti pācittiyassa; gaṇassa ca ācariniyā ca āpatti dukkaṭassa.
1161. анаабад̇д̇и аж̇аананд̇ий вудтаабзд̇и, уммад̇д̇игааяа, аад̣̇игаммигааяаад̇и.
1161. Anāpatti ajānantī vuṭṭhāpeti, ummattikāya, ādikammikāyāti.
навамасигкаабад̣̇ам̣ нидтид̇ам̣.
Navamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияаад̣̇исигкаабад̣̇аван̣н̣анаа • 2. Dutiyādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. навамасигкаабад̣̇ам̣ • 9. Navamasikkhāpadaṃ
