| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. навагаммигасуд̇д̇ам̣
7. Navakammikasuttaṃ
203. згам̣ самаяам̣ бхаг̇аваа госалзсу вихарад̇и ан̃н̃ад̇арасмим̣ ванасан̣д̣з . д̇зна ко бана самаязна навагаммигабхаарад̣̇вааж̇о б̣раахман̣о д̇асмим̣ ванасан̣д̣з гамманд̇ам̣ гаараабзд̇и. ад̣̇д̣̇асаа ко навагаммигабхаарад̣̇вааж̇о б̣раахман̣о бхаг̇аванд̇ам̣ ан̃н̃ад̇арасмим̣ сааларугкамуулз нисиннам̣ баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. д̣̇исваанасса зд̇ад̣̇ахоси – ‘‘ахам̣ ко имасмим̣ ванасан̣д̣з гамманд̇ам̣ гаараабзнд̇о рамаами. аяам̣ саман̣о г̇од̇амо гим̣ гаараабзнд̇о рамад̇ий’’д̇и? ат̇а ко навагаммигабхаарад̣̇вааж̇о б̣раахман̣о язна бхаг̇аваа д̇знубасан̇гами. убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
203. Ekaṃ samayaṃ bhagavā kosalesu viharati aññatarasmiṃ vanasaṇḍe . Tena kho pana samayena navakammikabhāradvājo brāhmaṇo tasmiṃ vanasaṇḍe kammantaṃ kārāpeti. Addasā kho navakammikabhāradvājo brāhmaṇo bhagavantaṃ aññatarasmiṃ sālarukkhamūle nisinnaṃ pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. Disvānassa etadahosi – ‘‘ahaṃ kho imasmiṃ vanasaṇḍe kammantaṃ kārāpento ramāmi. Ayaṃ samaṇo gotamo kiṃ kārāpento ramatī’’ti? Atha kho navakammikabhāradvājo brāhmaṇo yena bhagavā tenupasaṅkami. Upasaṅkamitvā bhagavantaṃ gāthāya ajjhabhāsi –
‘‘гз ну гамманд̇аа гарийяанд̇и, бхигку саалаванз д̇ава;
‘‘Ke nu kammantā karīyanti, bhikkhu sālavane tava;
яад̣̇згаго аран̃н̃асмим̣, рад̇им̣ винд̣̇ад̇и г̇од̇амо’’д̇и.
Yadekako araññasmiṃ, ratiṃ vindati gotamo’’ti.
‘‘на мз ванасмим̣ гаран̣ийяамад̇т̇и,
‘‘Na me vanasmiṃ karaṇīyamatthi,
ужчиннамуулам̣ мз ванам̣ висуугам̣;
Ucchinnamūlaṃ me vanaṃ visūkaṃ;
сваахам̣ ванз ниб̣б̣анат̇о висалло,
Svāhaṃ vane nibbanatho visallo,
зго рамз арад̇им̣ виббахааяаа’’д̇и.
Eko rame aratiṃ vippahāyā’’ti.
звам̣ вуд̇д̇з, навагаммигабхаарад̣̇вааж̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, navakammikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. навагаммигасуд̇д̇аван̣н̣анаа • 7. Navakammikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. ванагаммигасуд̇д̇аван̣н̣анаа • 7. Vanakammikasuttavaṇṇanā
