| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
8. нааваабхируханасигкаабад̣̇аван̣н̣анаа
8. Nāvābhiruhanasikkhāpadavaṇṇanā
188. адтамасигкаабад̣̇з – сам̣вид̇хааяаад̇и логассаад̣̇амид̇д̇асант̇ававасзна гийл̣аабурзгкаараа сам̣вид̣̇ахид̇ваа. уд̣̇д̇хам̣г̇аамининд̇и уд̣̇д̇хам̣ над̣̇ияаа бадисод̇ам̣ г̇ажчанд̇им̣. яасмаа бана яо уд̣̇д̇хам̣ ж̇аванад̇о уж̇ж̇аванигааяа наавааяа гийл̣ад̇и, со ‘‘уд̣̇д̇хам̣г̇ааминим̣ абхирухад̇ий’’д̇и вужжад̇и. д̇знасса бад̣̇абхааж̇анз ад̇т̇амзва д̣̇ассзд̇ум̣ ‘‘уж̇ж̇аванигааяаа’’д̇и вуд̇д̇ам̣. ад̇хог̇аамининд̇и ад̇хо анусод̇ам̣ г̇ажчанд̇им̣. яасмаа бана яо ад̇хо ж̇аванад̇о ож̇аванигааяа наавааяа гийл̣ад̇и, со ‘‘ад̇хог̇ааминим̣ абхирухад̇ий’’д̇и вужжад̇и. д̇знассааби бад̣̇абхааж̇анз ад̇т̇амзва д̣̇ассзд̇ум̣ ‘‘ож̇аванигааяаа’’д̇и вуд̇д̇ам̣. д̇ад̇т̇а яам̣ д̇ид̇т̇асамбадибаад̣̇анад̇т̇ам̣ уд̣̇д̇хам̣ ваа ад̇хо ваа харанд̇и, зд̇т̇а анаабад̇д̇и. д̇ирияам̣ д̇аран̣ааяаад̇и убаяог̇ад̇т̇з ниссаггаважанам̣.
188. Aṭṭhamasikkhāpade – saṃvidhāyāti lokassādamittasanthavavasena kīḷāpurekkhārā saṃvidahitvā. Uddhaṃgāmininti uddhaṃ nadiyā paṭisotaṃ gacchantiṃ. Yasmā pana yo uddhaṃ javanato ujjavanikāya nāvāya kīḷati, so ‘‘uddhaṃgāminiṃ abhiruhatī’’ti vuccati. Tenassa padabhājane atthameva dassetuṃ ‘‘ujjavanikāyā’’ti vuttaṃ. Adhogāmininti adho anusotaṃ gacchantiṃ. Yasmā pana yo adho javanato ojavanikāya nāvāya kīḷati, so ‘‘adhogāminiṃ abhiruhatī’’ti vuccati. Tenassāpi padabhājane atthameva dassetuṃ ‘‘ojavanikāyā’’ti vuttaṃ. Tattha yaṃ titthasampaṭipādanatthaṃ uddhaṃ vā adho vā haranti, ettha anāpatti. Tiriyaṃ taraṇāyāti upayogatthe nissakkavacanaṃ.
189. г̇ааманд̇арз г̇ааманд̇арзд̇и зд̇т̇а яассаа над̣̇ияаа згам̣ д̇ийрам̣ гуггудасамбаад̣̇аг̇аамзхи ниранд̇арам̣, згам̣ аг̇аамагам̣ аран̃н̃ам̣, д̇ассаа саг̇аамагад̇ийрабассзна г̇аманагаалз г̇ааманд̇араг̇ан̣анааяа баажид̇д̇ияаани, аг̇аамагад̇ийрабассзна г̇аманагаалз ад̣̇д̇хаяож̇анаг̇ан̣анааяа. яаа бана яож̇анавид̇т̇ад̇аа ход̇и, д̇ассаа маж̇жхзна г̇аманзби ад̣̇д̇хаяож̇анаг̇ан̣анааяа баажид̇д̇ияаани взд̣̇ид̇аб̣б̣аани. анаабад̇д̇и д̇ирияам̣ д̇аран̣ааяаад̇и зд̇т̇а на гзвалам̣ над̣̇ияаа, яоби махаад̇ид̇т̇абадданад̇о д̇аамалид̇д̇им̣ ваа суван̣н̣абхуумим̣ ваа г̇ажчад̇и, д̇ассааби анаабад̇д̇и. саб̣б̣аадтагат̇аасу хи над̣̇ияам̣язва аабад̇д̇и вижаарид̇аа, на самуд̣̇д̣̇з.
189.Gāmantare gāmantareti ettha yassā nadiyā ekaṃ tīraṃ kukkuṭasampādagāmehi nirantaraṃ, ekaṃ agāmakaṃ araññaṃ, tassā sagāmakatīrapassena gamanakāle gāmantaragaṇanāya pācittiyāni, agāmakatīrapassena gamanakāle addhayojanagaṇanāya. Yā pana yojanavitthatā hoti, tassā majjhena gamanepi addhayojanagaṇanāya pācittiyāni veditabbāni. Anāpatti tiriyaṃ taraṇāyāti ettha na kevalaṃ nadiyā, yopi mahātitthapaṭṭanato tāmalittiṃ vā suvaṇṇabhūmiṃ vā gacchati, tassāpi anāpatti. Sabbaaṭṭhakathāsu hi nadiyaṃyeva āpatti vicāritā, na samudde.
191. висан̇гзд̇знаад̇и ид̇хааби гаалависан̇гзд̇знзва анаабад̇д̇и, д̇ид̇т̇ависан̇гзд̇зна бана нааваависан̇гзд̇зна ваа г̇ажчанд̇асса аабад̇д̇иязва. сзсам̣ батамасигкаабад̣̇асад̣̇исамзва сад̣̇д̇хим̣ самудтаанаад̣̇ийхийд̇и.
191.Visaṅketenāti idhāpi kālavisaṅketeneva anāpatti, titthavisaṅketena pana nāvāvisaṅketena vā gacchantassa āpattiyeva. Sesaṃ paṭhamasikkhāpadasadisameva saddhiṃ samuṭṭhānādīhīti.
нааваабхируханасигкаабад̣̇ам̣ адтамам̣.
Nāvābhiruhanasikkhāpadaṃ aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. нааваабхируханасигкаабад̣̇аван̣н̣анаа • 8. Nāvābhiruhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. нааваабхируханасигкаабад̣̇ам̣ • 8. Nāvābhiruhanasikkhāpadaṃ
