| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. നതുമ്ഹസുത്തവണ്ണനാ
7. Natumhasuttavaṇṇanā
൩൭. സത്തമേ ന തുമ്ഹാകന്തി അത്തനി ഹി സതി അത്തനിയം നാമ ഹോതി. അത്തായേവ ച നത്ഥി, തസ്മാ ‘‘ന തുമ്ഹാക’’ന്തി ആഹ. നപി അഞ്ഞേസന്തി അഞ്ഞോ നാമ പരേസം അത്താ, തസ്മിം സതി അഞ്ഞേസം നാമ സിയാ, സോപി നത്ഥി, തസ്മാ ‘‘നപി അഞ്ഞേസ’’ന്തി ആഹ. പുരാണമിദം, ഭിക്ഖവേ, കമ്മന്തി നയിദം പുരാണകമ്മമേവ, പുരാണകമ്മനിബ്ബത്തോ പനേസ കായോ, തസ്മാ പച്ചയവോഹാരേന ഏവം വുത്തോ. അഭിസങ്ഖതന്തിആദി കമ്മവോഹാരസ്സേവ വസേന പുരിമലിങ്ഗസഭാഗതായ വുത്തം, അയം പനേത്ഥ അത്ഥോ – അഭിസങ്ഖതന്തി പച്ചയേഹി കതോതി ദട്ഠബ്ബോ. അഭിസഞ്ചേതയിതന്തി ചേതനാവത്ഥുകോ ചേതനാമൂലകോതി ദട്ഠബ്ബോ. വേദനിയന്തി വേദനിയവത്ഥൂതി ദട്ഠബ്ബോ. സത്തമം.
37. Sattame na tumhākanti attani hi sati attaniyaṃ nāma hoti. Attāyeva ca natthi, tasmā ‘‘na tumhāka’’nti āha. Napi aññesanti añño nāma paresaṃ attā, tasmiṃ sati aññesaṃ nāma siyā, sopi natthi, tasmā ‘‘napi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo, tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāgatāya vuttaṃ, ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko cetanāmūlakoti daṭṭhabbo. Vedaniyanti vedaniyavatthūti daṭṭhabbo. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. നതുമ്ഹസുത്തം • 7. Natumhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. നതുമ്ഹസുത്തവണ്ണനാ • 7. Natumhasuttavaṇṇanā
