| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༢. ནཏྠིཨརཧཏོཨཀཱལམཙྩཱུཏིཀཐཱཝཎྞནཱ
2. Natthiarahatoakālamaccūtikathāvaṇṇanā
༧༨༠. ཨལདྡྷཝིཔཱཀཝཱརཱནནྟི ཝིཔཱཀདཱནཾ པཏི ཨལདྡྷོཀཱསཱནཾ། བྱནྟཱིབྷཱཝནྟི ཝིགཏནྟཏཾ, ཝིགམཾ ཨཝིཔཱཀནྟི ཨཏྠོ།
780. Aladdhavipākavārānanti vipākadānaṃ pati aladdhokāsānaṃ. Byantībhāvanti vigatantataṃ, vigamaṃ avipākanti attho.
༧༨༡. ཏཏོ པརནྟི བྱཏིརེཀེན ཨཏྠསིདྡྷི, ན ཀེཝལེན ཨནྭཡེནཱཏི ཨཱཧ ‘‘ཏཱཝ ན ཀམཏི, ཏཏོ པརཾ ཀམཏཱིཏི ལདྡྷིཡཱ པཊིཀྑིཔཏཱི’’ཏི། ཏཏྠ ཏཏོ པརནྟི པུབྦེ ཀཏསྶ ཀམྨསྶ པརིཀྑཡགམནཏོ པརཾ། ནཏྠི པཱཎཱཏིཔཱཏོ པཱཎཱཏིཔཱཏལཀྑཎཱབྷཱཝཏོཏི ཨདྷིཔྤཱཡོ། ཏམེཝ ལཀྑཎཱབྷཱཝཾ དསྶེཏུཾ ‘‘པཱཎོཔཱཎསཉྙིཏཱ’’ཏིཨཱདི ཝུཏྟཾ། ཏཏྠ ན ཏེནཱཏི ཡོ པརེན ཨུཔཀྐམོ ཀཏོ , ཏེན ཨུཔཀྐམེན ན མཏོ, དྷམྨཏཱམརཎེནེཝ མཏོཏི དུབྦིཉྙེཡྻཾ ཨཝིསེསཝིདཱུཧི, དུབྦིཉྙེཡྻཾ ཝཱ ཧོཏུ སུཝིཉྙེཡྻཾ ཝཱ, ཨངྒཔཱརིཔཱུརིཡཱཝ པཱཎཱཏིཔཱཏོ།
781. Tato paranti byatirekena atthasiddhi, na kevalena anvayenāti āha ‘‘tāva na kamati, tato paraṃ kamatīti laddhiyā paṭikkhipatī’’ti. Tattha tato paranti pubbe katassa kammassa parikkhayagamanato paraṃ. Natthi pāṇātipāto pāṇātipātalakkhaṇābhāvatoti adhippāyo. Tameva lakkhaṇābhāvaṃ dassetuṃ ‘‘pāṇopāṇasaññitā’’tiādi vuttaṃ. Tattha na tenāti yo parena upakkamo kato , tena upakkamena na mato, dhammatāmaraṇeneva matoti dubbiññeyyaṃ avisesavidūhi, dubbiññeyyaṃ vā hotu suviññeyyaṃ vā, aṅgapāripūriyāva pāṇātipāto.
ནཏྠིཨརཧཏོཨཀཱལམཙྩཱུཏིཀཐཱཝཎྞནཱ ནིཊྛིཏཱ།
Natthiarahatoakālamaccūtikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༦༧) ༢. ནཏྠི ཨརཧཏོ ཨཀཱལམཙྩཱུཏིཀཐཱ • (167) 2. Natthi arahato akālamaccūtikathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༢. ནཏྠི ཨརཧཏོ ཨཀཱལམཙྩཱུཏིཀཐཱཝཎྞནཱ • 2. Natthi arahato akālamaccūtikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༢. ནཏྠིཨརཧཏོཨཀཱལམཙྩཱུཏིཀཐཱཝཎྞནཱ • 2. Natthiarahatoakālamaccūtikathāvaṇṇanā
