| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၂. နတ္ထိအရဟတောအကာလမစ္စူတိကထာဝဏ္ဏနာ
2. Natthiarahatoakālamaccūtikathāvaṇṇanā
၇၈၀. အလဒ္ဓဝိပာကဝာရာနန္တိ ဝိပာကဒာနံ ပတိ အလဒ္ဓောကာသာနံ။ ဗ္ယန္တီဘာဝန္တိ ဝိဂတန္တတံ, ဝိဂမံ အဝိပာကန္တိ အတ္ထော။
780. Aladdhavipākavārānanti vipākadānaṃ pati aladdhokāsānaṃ. Byantībhāvanti vigatantataṃ, vigamaṃ avipākanti attho.
၇၈၁. တတော ပရန္တိ ဗ္ယတိရေကေန အတ္ထသိဒ္ဓိ, န ကေဝလေန အန္ဝယေနာတိ အာဟ ‘‘တာဝ န ကမတိ, တတော ပရံ ကမတီတိ လဒ္ဓိယာ ပဋိက္ခိပတီ’’တိ။ တတ္ထ တတော ပရန္တိ ပုဗ္ဗေ ကတသ္သ ကမ္မသ္သ ပရိက္ခယဂမနတော ပရံ။ နတ္ထိ ပာဏာတိပာတော ပာဏာတိပာတလက္ခဏာဘာဝတောတိ အဓိပ္ပာယော။ တမေဝ လက္ခဏာဘာဝံ ဒသ္သေတုံ ‘‘ပာဏောပာဏသညိတာ’’တိအာဒိ ဝုတ္တံ။ တတ္ထ န တေနာတိ ယော ပရေန ဥပက္ကမော ကတော , တေန ဥပက္ကမေန န မတော, ဓမ္မတာမရဏေနေဝ မတောတိ ဒုဗ္ဗိညေယ္ယံ အဝိသေသဝိဒူဟိ, ဒုဗ္ဗိညေယ္ယံ ဝာ ဟောတု သုဝိညေယ္ယံ ဝာ, အင္ဂပာရိပူရိယာဝ ပာဏာတိပာတော။
781. Tato paranti byatirekena atthasiddhi, na kevalena anvayenāti āha ‘‘tāva na kamati, tato paraṃ kamatīti laddhiyā paṭikkhipatī’’ti. Tattha tato paranti pubbe katassa kammassa parikkhayagamanato paraṃ. Natthi pāṇātipāto pāṇātipātalakkhaṇābhāvatoti adhippāyo. Tameva lakkhaṇābhāvaṃ dassetuṃ ‘‘pāṇopāṇasaññitā’’tiādi vuttaṃ. Tattha na tenāti yo parena upakkamo kato , tena upakkamena na mato, dhammatāmaraṇeneva matoti dubbiññeyyaṃ avisesavidūhi, dubbiññeyyaṃ vā hotu suviññeyyaṃ vā, aṅgapāripūriyāva pāṇātipāto.
နတ္ထိအရဟတောအကာလမစ္စူတိကထာဝဏ္ဏနာ နိဋ္ဌိတာ။
Natthiarahatoakālamaccūtikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၆၇) ၂. နတ္ထိ အရဟတော အကာလမစ္စူတိကထာ • (167) 2. Natthi arahato akālamaccūtikathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၂. နတ္ထိ အရဟတော အကာလမစ္စူတိကထာဝဏ္ဏနာ • 2. Natthi arahato akālamaccūtikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၂. နတ္ထိအရဟတောအကာလမစ္စူတိကထာဝဏ္ဏနာ • 2. Natthiarahatoakālamaccūtikathāvaṇṇanā
