| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
২. নত্থিঅরহতোঅকালমচ্চূতিকথাৰণ্ণনা
2. Natthiarahatoakālamaccūtikathāvaṇṇanā
৭৮০. অলদ্ধৰিপাকৰারানন্তি ৰিপাকদানং পতি অলদ্ধোকাসানং। ব্যন্তীভাৰন্তি ৰিগতন্ততং, ৰিগমং অৰিপাকন্তি অত্থো।
780. Aladdhavipākavārānanti vipākadānaṃ pati aladdhokāsānaṃ. Byantībhāvanti vigatantataṃ, vigamaṃ avipākanti attho.
৭৮১. ততো পরন্তি ব্যতিরেকেন অত্থসিদ্ধি, ন কেৰলেন অন্ৰযেনাতি আহ ‘‘তাৰ ন কমতি, ততো পরং কমতীতি লদ্ধিযা পটিক্খিপতী’’তি। তত্থ ততো পরন্তি পুব্বে কতস্স কম্মস্স পরিক্খযগমনতো পরং। নত্থি পাণাতিপাতো পাণাতিপাতলক্খণাভাৰতোতি অধিপ্পাযো। তমেৰ লক্খণাভাৰং দস্সেতুং ‘‘পাণোপাণসঞ্ঞিতা’’তিআদি ৰুত্তং। তত্থ ন তেনাতি যো পরেন উপক্কমো কতো , তেন উপক্কমেন ন মতো, ধম্মতামরণেনেৰ মতোতি দুব্বিঞ্ঞেয্যং অৰিসেসৰিদূহি, দুব্বিঞ্ঞেয্যং ৰা হোতু সুৰিঞ্ঞেয্যং ৰা, অঙ্গপারিপূরিযাৰ পাণাতিপাতো।
781. Tato paranti byatirekena atthasiddhi, na kevalena anvayenāti āha ‘‘tāva na kamati, tato paraṃ kamatīti laddhiyā paṭikkhipatī’’ti. Tattha tato paranti pubbe katassa kammassa parikkhayagamanato paraṃ. Natthi pāṇātipāto pāṇātipātalakkhaṇābhāvatoti adhippāyo. Tameva lakkhaṇābhāvaṃ dassetuṃ ‘‘pāṇopāṇasaññitā’’tiādi vuttaṃ. Tattha na tenāti yo parena upakkamo kato , tena upakkamena na mato, dhammatāmaraṇeneva matoti dubbiññeyyaṃ avisesavidūhi, dubbiññeyyaṃ vā hotu suviññeyyaṃ vā, aṅgapāripūriyāva pāṇātipāto.
নত্থিঅরহতোঅকালমচ্চূতিকথাৰণ্ণনা নিট্ঠিতা।
Natthiarahatoakālamaccūtikathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৬৭) ২. নত্থি অরহতো অকালমচ্চূতিকথা • (167) 2. Natthi arahato akālamaccūtikathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ২. নত্থি অরহতো অকালমচ্চূতিকথাৰণ্ণনা • 2. Natthi arahato akālamaccūtikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. নত্থিঅরহতোঅকালমচ্চূতিকথাৰণ্ণনা • 2. Natthiarahatoakālamaccūtikathāvaṇṇanā
