| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. н̃аад̇игасуд̇д̇аван̣н̣анаа
5. Ñātikasuttavaṇṇanā
45. бан̃жамз н̃аад̇игзд̇и д̣̇виннам̣ н̃аад̇агаанам̣ г̇аамз. г̇ин̃ж̇агаавасат̇зд̇и идтагаахи гад̇з махаабаасаад̣̇з. д̇хаммабарияааяанд̇и д̇хаммагааран̣ам̣. убассуд̇ийд̇и убассуд̇идтаанам̣, яам̣ таанам̣ убаг̇ад̇зна саггаа ход̇и бхаг̇авад̇о сад̣̇д̣̇ам̣ сод̇ум̣, д̇ад̇т̇а тид̇од̇и ад̇т̇о. со гира г̇анд̇хагудибаривзн̣асаммаж̇ж̇анад̇т̇ам̣ ааг̇ад̇о ад̇д̇ано гаммам̣ бахааяа бхаг̇авад̇о д̇хаммагхосам̣ сун̣анд̇о адтааси. ад̣̇д̣̇асаад̇и д̇ад̣̇аа гира бхаг̇авад̇о аад̣̇ид̇ова бажжаяаагаарам̣ манасигаронд̇асса ‘‘ид̣̇ам̣ иминаа бажжаязна ход̇и, ид̣̇ам̣ иминаа’’д̇и ааваж̇ж̇ад̇о яаава бхаваг̇г̇аа зган̇г̇ан̣ам̣ ахоси, сад̇т̇аа манасигаарам̣ бахааяа важасаа саж̇жхааяам̣ гаронд̇о яат̇аанусанд̇хинаа д̣̇зсанам̣ нидтабзд̇ваа, ‘‘аби ну ко имам̣ д̇хаммабарияааяам̣ гожи ассосий’’д̇и ааваж̇ж̇знд̇о д̇ам̣ бхигкумад̣̇д̣̇аса. д̇зна вуд̇д̇ам̣ ‘‘ад̣̇д̣̇асаа ко бхаг̇аваа’’д̇и.
45. Pañcame ñātiketi dvinnaṃ ñātakānaṃ gāme. Giñjakāvasatheti iṭṭhakāhi kate mahāpāsāde. Dhammapariyāyanti dhammakāraṇaṃ. Upassutīti upassutiṭṭhānaṃ, yaṃ ṭhānaṃ upagatena sakkā hoti bhagavato saddaṃ sotuṃ, tattha ṭhitoti attho. So kira gandhakuṭipariveṇasammajjanatthaṃ āgato attano kammaṃ pahāya bhagavato dhammaghosaṃ suṇanto aṭṭhāsi. Addasāti tadā kira bhagavato āditova paccayākāraṃ manasikarontassa ‘‘idaṃ iminā paccayena hoti, idaṃ iminā’’ti āvajjato yāva bhavaggā ekaṅgaṇaṃ ahosi, satthā manasikāraṃ pahāya vacasā sajjhāyaṃ karonto yathānusandhinā desanaṃ niṭṭhapetvā, ‘‘api nu kho imaṃ dhammapariyāyaṃ koci assosī’’ti āvajjento taṃ bhikkhumaddasa. Tena vuttaṃ ‘‘addasā kho bhagavā’’ti.
ассоси нод̇и ассоси ну. ат̇а ваа ассоси нод̇и амхаагам̣ бхаасанд̇аанам̣ ассосийд̇и. уг̇г̇ан̣хаахийд̇иаад̣̇ийсу суд̇ваа д̇ун̣хийбхууд̇ова баг̇ун̣ам̣ гаронд̇о уг̇г̇ан̣хаад̇и наама. бад̣̇аанубад̣̇ам̣ гхадзд̇ваа ваажааяа барижид̇ам̣ гаронд̇о барияаабун̣аад̇и наама. убхаяат̇ааби баг̇ун̣ам̣ аад̇хаараббад̇д̇ам̣ гаронд̇о д̇хаарзд̇и наама. ад̇т̇асам̣хид̇од̇и гааран̣аниссид̇о. аад̣̇иб̣рахмажарияагод̇и маг̇г̇аб̣рахмажарияасса аад̣̇и бад̇идтаанабхууд̇о. ид̇и д̇ийсуби имзсу суд̇д̇зсу ваддавиваддамзва гат̇ид̇ам̣. бан̃жамам̣.
Assosinoti assosi nu. Atha vā assosi noti amhākaṃ bhāsantānaṃ assosīti. Uggaṇhāhītiādīsu sutvā tuṇhībhūtova paguṇaṃ karonto uggaṇhāti nāma. Padānupadaṃ ghaṭetvā vācāya paricitaṃ karonto pariyāpuṇāti nāma. Ubhayathāpi paguṇaṃ ādhārappattaṃ karonto dhāreti nāma. Atthasaṃhitoti kāraṇanissito. Ādibrahmacariyakoti maggabrahmacariyassa ādi patiṭṭhānabhūto. Iti tīsupi imesu suttesu vaṭṭavivaṭṭameva kathitaṃ. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. н̃аад̇игасуд̇д̇ам̣ • 5. Ñātikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. н̃аад̇игасуд̇д̇аван̣н̣анаа • 5. Ñātikasuttavaṇṇanā
