| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
২. রথকারৰগ্গো
2. Rathakāravaggo
১. ঞাতসুত্তৰণ্ণনা
1. Ñātasuttavaṇṇanā
১১. দুতিযস্স পঠমে ঞাতোযেৰ পঞ্ঞাতোতি আহ ‘‘ঞাতো পঞ্ঞাতো’’তি। কস্স অননুলোমিকেতি আহ ‘‘সাসনস্সা’’তি, সাসনস্স অননুলোমিকে অপ্পতিরূপেতি অত্থো। ইদানি অননুলোমিকসদ্দস্স নিব্বচনং দস্সেন্তো ‘‘ন অনুলোমেতীতি অননুলোমিক’’ন্তি আহ । সাসনস্সাতি ৰা সাসনন্তি অত্থো। সাসনং ন অনুলোমেতীতি অননুলোমিকন্তি এৰমেত্থ সম্বন্ধো দট্ঠব্বো। সভাগৰিসভাগন্তি লিঙ্গতো সভাগৰিসভাগং। ‘‘ৰিযপুগ্গলে’’তি আহাতি লিঙ্গসভাগেহি অৰিসেসেত্ৰা আহ। উম্মাদং পাপুণীতি সো কির সীলং অধিট্ঠায পিহিতদ্ৰারগব্ভে সযনপিট্ঠে নিসীদিত্ৰা ভরিযং আরব্ভ মেত্তং ভাৰেন্তো মেত্তামুখেন উপ্পন্নেন রাগেন অন্ধীকতো ভরিযায সন্তিকং গন্তুকামো দ্ৰারং অসল্লক্খেত্ৰা ভিত্তিং ভিন্দিত্ৰাপি নিক্খমিতুকামতায ভিত্তিং পহরন্তো সব্বরত্তিং ভিত্তিযুদ্ধমকাসি। সেসমেত্থ সুৰিঞ্ঞেয্যমেৰ।
11. Dutiyassa paṭhame ñātoyeva paññātoti āha ‘‘ñāto paññāto’’ti. Kassa ananulomiketi āha ‘‘sāsanassā’’ti, sāsanassa ananulomike appatirūpeti attho. Idāni ananulomikasaddassa nibbacanaṃ dassento ‘‘na anulometīti ananulomika’’nti āha . Sāsanassāti vā sāsananti attho. Sāsanaṃ na anulometīti ananulomikanti evamettha sambandho daṭṭhabbo. Sabhāgavisabhāganti liṅgato sabhāgavisabhāgaṃ. ‘‘Viyapuggale’’ti āhāti liṅgasabhāgehi avisesetvā āha. Ummādaṃ pāpuṇīti so kira sīlaṃ adhiṭṭhāya pihitadvāragabbhe sayanapiṭṭhe nisīditvā bhariyaṃ ārabbha mettaṃ bhāvento mettāmukhena uppannena rāgena andhīkato bhariyāya santikaṃ gantukāmo dvāraṃ asallakkhetvā bhittiṃ bhinditvāpi nikkhamitukāmatāya bhittiṃ paharanto sabbarattiṃ bhittiyuddhamakāsi. Sesamettha suviññeyyameva.
ঞাতসুত্তৰণ্ণনা নিট্ঠিতা।
Ñātasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. ঞাতসুত্তং • 1. Ñātasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. ঞাতসুত্তৰণ্ণনা • 1. Ñātasuttavaṇṇanā
