| Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
নসম্মাৰত্তনাদিকথাৰণ্ণনা
Nasammāvattanādikathāvaṇṇanā
৬৮. অধিমত্তং গেহস্সিতপেমং ন হোতীতি এত্থ গেহস্সিতপেমং ন অকুসলমিচ্চেৰ দট্ঠব্বং খীণাসৰানম্পি সাধারণত্তা ইমস্স লক্খণস্স। ন খীণাসৰানং অসম্মাৰত্তনাভাৰতোতি চে? ন, তেসং ন পণামেতব্বং তংসমন্নাগমনসিদ্ধিতো, তস্মা ‘‘মমেস ভারো’’তি মমত্তকরণং তত্থ পেমন্তি ৰেদিতব্বং। ‘‘একো ৰত্তসম্পন্নো…পে॰… তেসং অনাপত্তী’তি এত্থ ৰিয সচে একো ৰত্তসম্পন্নো ভিক্খু ‘ভন্তে, তুম্হে অপ্পোস্সুক্কা হোথ, অহং তুম্হাকং সদ্ধিৰিহারিকং, অন্তেৰাসিকং ৰা গিলানং ৰা উপট্ঠহিস্সামি, ওৰদিতব্বং ওৰদিস্সামি, ইতি করণীযেসু উস্সুক্কং আপজ্জিস্সামী’তি ৰদতি, তে এৰাসদ্ধিৰিহারিকাদযো ‘ভন্তে, তুম্হেৰ কেৰলং অপ্পোস্সুক্কা হোথা’তি ৰদন্তি, ৰত্তং ৰা ন সাদিযন্তি, ততো পট্ঠায আচরিযুপজ্ঝাযানং অনাপত্তী’’তি ৰুত্তং।
68.Adhimattaṃ gehassitapemaṃ na hotīti ettha gehassitapemaṃ na akusalamicceva daṭṭhabbaṃ khīṇāsavānampi sādhāraṇattā imassa lakkhaṇassa. Na khīṇāsavānaṃ asammāvattanābhāvatoti ce? Na, tesaṃ na paṇāmetabbaṃ taṃsamannāgamanasiddhito, tasmā ‘‘mamesa bhāro’’ti mamattakaraṇaṃ tattha pemanti veditabbaṃ. ‘‘Eko vattasampanno…pe… tesaṃ anāpattī’ti ettha viya sace eko vattasampanno bhikkhu ‘bhante, tumhe appossukkā hotha, ahaṃ tumhākaṃ saddhivihārikaṃ, antevāsikaṃ vā gilānaṃ vā upaṭṭhahissāmi, ovaditabbaṃ ovadissāmi, iti karaṇīyesu ussukkaṃ āpajjissāmī’ti vadati, te evāsaddhivihārikādayo ‘bhante, tumheva kevalaṃ appossukkā hothā’ti vadanti, vattaṃ vā na sādiyanti, tato paṭṭhāya ācariyupajjhāyānaṃ anāpattī’’ti vuttaṃ.
নসম্মাৰত্তনাদিকথাৰণ্ণনা নিট্ঠিতা।
Nasammāvattanādikathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৭. পণামিতকথা • 17. Paṇāmitakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / নসম্মাৰত্তনাদিকথা • Nasammāvattanādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / নসম্মাৰত্তনাদিকথাৰণ্ণনা • Nasammāvattanādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / নসম্মাৰত্তনাদিকথাৰণ্ণনা • Nasammāvattanādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / নসম্মাৰত্তনাদিকথা • Nasammāvattanādikathā
