| Library / Tipiṭaka / তিপিটক • Tipiṭaka / থেরীগাথাপাল়ি • Therīgāthāpāḷi |
৫. নন্দুত্তরাথেরীগাথা
5. Nanduttarātherīgāthā
৮৭.
87.
‘‘অগ্গিং চন্দঞ্চ সূরিযঞ্চ, দেৰতা চ নমস্সিহং।
‘‘Aggiṃ candañca sūriyañca, devatā ca namassihaṃ;
নদীতিত্থানি গন্ত্ৰান, উদকং ওরুহামিহং॥
Nadītitthāni gantvāna, udakaṃ oruhāmihaṃ.
৮৮.
88.
‘‘বহূৰতসমাদানা , অড্ঢং সীসস্স ওলিখিং।
‘‘Bahūvatasamādānā , aḍḍhaṃ sīsassa olikhiṃ;
ছমায সেয্যং কপ্পেমি, রত্তিং ভত্তং ন ভুঞ্জহং॥
Chamāya seyyaṃ kappemi, rattiṃ bhattaṃ na bhuñjahaṃ.
৮৯.
89.
‘‘ৰিভূসামণ্ডনরতা, ন্হাপনুচ্ছাদনেহি চ।
‘‘Vibhūsāmaṇḍanaratā, nhāpanucchādanehi ca;
উপকাসিং ইমং কাযং, কামরাগেন অট্টিতা॥
Upakāsiṃ imaṃ kāyaṃ, kāmarāgena aṭṭitā.
৯০.
90.
‘‘ততো সদ্ধং লভিত্ৰান, পব্বজিং অনগারিযং।
‘‘Tato saddhaṃ labhitvāna, pabbajiṃ anagāriyaṃ;
দিস্ৰা কাযং যথাভূতং, কামরাগো সমূহতো॥
Disvā kāyaṃ yathābhūtaṃ, kāmarāgo samūhato.
৯১.
91.
‘‘সব্বে ভৰা সমুচ্ছিন্না, ইচ্ছা চ পত্থনাপি চ।
‘‘Sabbe bhavā samucchinnā, icchā ca patthanāpi ca;
সব্বযোগৰিসংযুত্তা, সন্তিং পাপুণি চেতসো’’তি॥
Sabbayogavisaṃyuttā, santiṃ pāpuṇi cetaso’’ti.
… নন্দুত্তরা থেরী…।
… Nanduttarā therī….
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরীগাথা-অট্ঠকথা • Therīgāthā-aṭṭhakathā / ৫. নন্দুত্তরাথেরীগাথাৰণ্ণনা • 5. Nanduttarātherīgāthāvaṇṇanā
