| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਨਨ੍ਦਿਯਸੁਤ੍ਤਂ
10. Nandiyasuttaṃ
੧੦. ਸਾવਤ੍ਥਿਨਿਦਾਨਂ। ਅਥ ਖੋ ਨਨ੍ਦਿਯੋ ਪਰਿਬ੍ਬਾਜਕੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਨਨ੍ਦਿਯੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਕਤਿ ਨੁ ਖੋ, ਭੋ ਗੋਤਮ, ਧਮ੍ਮਾ ਭਾવਿਤਾ ਬਹੁਲੀਕਤਾ ਨਿਬ੍ਬਾਨਙ੍ਗਮਾ ਹੋਨ੍ਤਿ ਨਿਬ੍ਬਾਨਪਰਾਯਨਾ ਨਿਬ੍ਬਾਨਪਰਿਯੋਸਾਨਾ’’ਤਿ?
10. Sāvatthinidānaṃ. Atha kho nandiyo paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho nandiyo paribbājako bhagavantaṃ etadavoca – ‘‘kati nu kho, bho gotama, dhammā bhāvitā bahulīkatā nibbānaṅgamā honti nibbānaparāyanā nibbānapariyosānā’’ti?
‘‘ਅਟ੍ਠਿਮੇ ਖੋ, ਨਨ੍ਦਿਯ, ਧਮ੍ਮਾ ਭਾવਿਤਾ ਬਹੁਲੀਕਤਾ ਨਿਬ੍ਬਾਨਙ੍ਗਮਾ ਹੋਨ੍ਤਿ ਨਿਬ੍ਬਾਨਪਰਾਯਨਾ ਨਿਬ੍ਬਾਨਪਰਿਯੋਸਾਨਾ। ਕਤਮੇ ਅਟ੍ਠ? ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ। ਇਮੇ ਖੋ, ਨਨ੍ਦਿਯ, ਅਟ੍ਠ ਧਮ੍ਮਾ ਭਾવਿਤਾ ਬਹੁਲੀਕਤਾ ਨਿਬ੍ਬਾਨਙ੍ਗਮਾ ਹੋਨ੍ਤਿ ਨਿਬ੍ਬਾਨਪਰਾਯਨਾ ਨਿਬ੍ਬਾਨਪਰਿਯੋਸਾਨਾ’’ਤਿ। ਏવਂ વੁਤ੍ਤੇ ਨਨ੍ਦਿਯੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਅਭਿਕ੍ਕਨ੍ਤਂ , ਭੋ ਗੋਤਮ, ਅਭਿਕ੍ਕਨ੍ਤਂ, ਭੋ ਗੋਤਮ …ਪੇ॰… ਉਪਾਸਕਂ ਮਂ ਭવਂ ਗੋਤਮੋ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤ’’ਨ੍ਤਿ। ਦਸਮਂ।
‘‘Aṭṭhime kho, nandiya, dhammā bhāvitā bahulīkatā nibbānaṅgamā honti nibbānaparāyanā nibbānapariyosānā. Katame aṭṭha? Seyyathidaṃ – sammādiṭṭhi…pe… sammāsamādhi. Ime kho, nandiya, aṭṭha dhammā bhāvitā bahulīkatā nibbānaṅgamā honti nibbānaparāyanā nibbānapariyosānā’’ti. Evaṃ vutte nandiyo paribbājako bhagavantaṃ etadavoca – ‘‘abhikkantaṃ , bho gotama, abhikkantaṃ, bho gotama …pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Dasamaṃ.
ਅવਿਜ੍ਜਾવਗ੍ਗੋ ਪਠਮੋ।
Avijjāvaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਅવਿਜ੍ਜਞ੍ਚ ਉਪਡ੍ਢਞ੍ਚ, ਸਾਰਿਪੁਤ੍ਤੋ ਚ ਬ੍ਰਾਹ੍ਮਣੋ।
Avijjañca upaḍḍhañca, sāriputto ca brāhmaṇo;
ਕਿਮਤ੍ਥਿਯੋ ਚ ਦ੍વੇ ਭਿਕ੍ਖੂ, વਿਭਙ੍ਗੋ ਸੂਕਨਨ੍ਦਿਯਾਤਿ॥
Kimatthiyo ca dve bhikkhū, vibhaṅgo sūkanandiyāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਨਨ੍ਦਿਯਸੁਤ੍ਤવਣ੍ਣਨਾ • 10. Nandiyasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਨਨ੍ਦਿਯਸੁਤ੍ਤવਣ੍ਣਨਾ • 10. Nandiyasuttavaṇṇanā
