| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༩-༡༠. ནནྡིཀྑཡསུཏྟཱདིཝཎྞནཱ
9-10. Nandikkhayasuttādivaṇṇanā
༥༡-༥༢. ནཝམདསམེསཱུཏི སུཏྟདྭཡཾ སཧེཝ ཨུདྡྷཊཾ, དྭཱིསུཔི ཨཏྠཝཎྞནཱཡ སརིཀྑབྷཱཝཏོ། ནནྡནཊྛེན ནནྡཱི, རཉྫནཊྛེན རཱགོ། སཏིཔི སདྡཏྠཏོ བྷེདེ ‘‘ཨིམེསཾ ཨཏྠཏོ ནིནྣཱནཱཀརཎཏཱཡཱ’’ཏི ཝཏྭཱཔི པཧཱཡཀདྷམྨབྷེདེན པན ལབྦྷཏེཝ བྷེདམཏྟཱཏི དསྶེཏུཾ ‘‘ནིབྦིདཱནུཔསྶནཱཡ ཝཱ’’ཏིཨཱདི ཝུཏྟཾ། ཝིརཛྫནྟོ རཱགཾ པཛཧཏཱིཏི སམྦནྡྷོ། ཨེཏྟཱཝཏཱཏི ‘‘ནནྡིཀྑཡཱ རཱགཀྑཡོ’’ཏི ཨེཏྟཱཝཏཱ། ཝིཔསྶནཾ ནིཊྛཔེཏྭཱ ཝིཔསྶནཱཀིཙྩསྶ པརིཡོསཱནེན། རཱགཀྑཡཱཏི ཝུཊྛཱནགཱམིནིཔརིཡོསཱནཱཡ ཝིཔསྶནཱཡ རཱགསྶ ཁེཔིཏཏྟཱ། ཨནནྟརཾ ཨུཔྤནྣེན ཨརིཡམགྒེན སམུཙྪེདཝསེན ནནྡིཀྑཡོཏི། ཏེནཱཧ ‘‘ཨིདྷ མགྒཾ དསྶེཏྭཱ’’ཏི། ཨནནྟརཾ པན ཨུཔྤནྣེན ཨརིཡཕལེན པཊིཔསྶདྡྷིཝསེན ནནྡིརཱགཀྑཡཱ སབྦཾ སཾཀིལེསཏོ ཙིཏྟཾ ཝིམུཙྩཏཱིཏི། ཏེནཱཧ ‘‘ཕལཾ དསྶིཏ’’ནྟི།
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
ནནྡིཀྑཡསུཏྟཱདིཝཎྞནཱ ནིཊྛིཏཱ།
Nandikkhayasuttādivaṇṇanā niṭṭhitā.
ཨཏྟདཱིཔཝགྒཝཎྞནཱ ནིཊྛིཏཱ།
Attadīpavaggavaṇṇanā niṭṭhitā.
མཱུལཔཎྞཱསཀོ སམཏྟོ།
Mūlapaṇṇāsako samatto.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༩. ནནྡིཀྑཡསུཏྟཾ • 9. Nandikkhayasuttaṃ
༡༠. དུཏིཡནནྡིཀྑཡསུཏྟཾ • 10. Dutiyanandikkhayasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩-༡༠. ནནྡིཀྑཡསུཏྟཱདིཝཎྞནཱ • 9-10. Nandikkhayasuttādivaṇṇanā
