| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૯-૧૦. નન્દિક્ખયસુત્તાદિવણ્ણના
9-10. Nandikkhayasuttādivaṇṇanā
૫૧-૫૨. નવમદસમેસૂતિ સુત્તદ્વયં સહેવ ઉદ્ધટં, દ્વીસુપિ અત્થવણ્ણનાય સરિક્ખભાવતો. નન્દનટ્ઠેન નન્દી, રઞ્જનટ્ઠેન રાગો. સતિપિ સદ્દત્થતો ભેદે ‘‘ઇમેસં અત્થતો નિન્નાનાકરણતાયા’’તિ વત્વાપિ પહાયકધમ્મભેદેન પન લબ્ભતેવ ભેદમત્તાતિ દસ્સેતું ‘‘નિબ્બિદાનુપસ્સનાય વા’’તિઆદિ વુત્તં. વિરજ્જન્તો રાગં પજહતીતિ સમ્બન્ધો. એત્તાવતાતિ ‘‘નન્દિક્ખયા રાગક્ખયો’’તિ એત્તાવતા. વિપસ્સનં નિટ્ઠપેત્વા વિપસ્સનાકિચ્ચસ્સ પરિયોસાનેન. રાગક્ખયાતિ વુટ્ઠાનગામિનિપરિયોસાનાય વિપસ્સનાય રાગસ્સ ખેપિતત્તા. અનન્તરં ઉપ્પન્નેન અરિયમગ્ગેન સમુચ્છેદવસેન નન્દિક્ખયોતિ. તેનાહ ‘‘ઇધ મગ્ગં દસ્સેત્વા’’તિ. અનન્તરં પન ઉપ્પન્નેન અરિયફલેન પટિપસ્સદ્ધિવસેન નન્દિરાગક્ખયા સબ્બં સંકિલેસતો ચિત્તં વિમુચ્ચતીતિ. તેનાહ ‘‘ફલં દસ્સિત’’ન્તિ.
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
નન્દિક્ખયસુત્તાદિવણ્ણના નિટ્ઠિતા.
Nandikkhayasuttādivaṇṇanā niṭṭhitā.
અત્તદીપવગ્ગવણ્ણના નિટ્ઠિતા.
Attadīpavaggavaṇṇanā niṭṭhitā.
મૂલપણ્ણાસકો સમત્તો.
Mūlapaṇṇāsako samatto.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૯. નન્દિક્ખયસુત્તં • 9. Nandikkhayasuttaṃ
૧૦. દુતિયનન્દિક્ખયસુત્તં • 10. Dutiyanandikkhayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯-૧૦. નન્દિક્ખયસુત્તાદિવણ્ણના • 9-10. Nandikkhayasuttādivaṇṇanā
