| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. नन्दत्थेरअपदानं
3. Nandattheraapadānaṃ
२७.
27.
‘‘पदुमुत्तरस्स भगवतो, लोकजेट्ठस्स तादिनो।
‘‘Padumuttarassa bhagavato, lokajeṭṭhassa tādino;
वत्थं खोमं मया दिन्नं, सयम्भुस्स महेसिनो॥
Vatthaṃ khomaṃ mayā dinnaṃ, sayambhussa mahesino.
२८.
28.
‘‘तं मे बुद्धो वियाकासि, जलजुत्तरनामको।
‘‘Taṃ me buddho viyākāsi, jalajuttaranāmako;
‘इमिना वत्थदानेन, हेमवण्णो भविस्ससि॥
‘Iminā vatthadānena, hemavaṇṇo bhavissasi.
२९.
29.
‘‘‘द्वे सम्पत्ती अनुभोत्वा, कुसलमूलेहि चोदितो।
‘‘‘Dve sampattī anubhotvā, kusalamūlehi codito;
गोतमस्स भगवतो, कनिट्ठो त्वं भविस्ससि॥
Gotamassa bhagavato, kaniṭṭho tvaṃ bhavissasi.
३०.
30.
‘‘‘रागरत्तो सुखसीलो, कामेसु गेधमायुतो।
‘‘‘Rāgaratto sukhasīlo, kāmesu gedhamāyuto;
३१.
31.
‘‘‘पब्बजित्वान त्वं तत्थ, कुसलमूलेन चोदितो।
‘‘‘Pabbajitvāna tvaṃ tattha, kusalamūlena codito;
सब्बासवे परिञ्ञाय, निब्बायिस्ससिनासवो’॥
Sabbāsave pariññāya, nibbāyissasināsavo’.
३२.
32.
सट्ठि कप्पसहस्सम्हि, उपचेला चतुज्जना॥
Saṭṭhi kappasahassamhi, upacelā catujjanā.
३३.
33.
‘‘पञ्च कप्पसहस्सम्हि, चेळाव चतुरो जना।
‘‘Pañca kappasahassamhi, ceḷāva caturo janā;
सत्तरतनसम्पन्ना, चतुदीपम्हि इस्सरा॥
Sattaratanasampannā, catudīpamhi issarā.
३४.
34.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा नन्दो थेरो इमा गाथायो अभासित्थाति।
Itthaṃ sudaṃ āyasmā nando thero imā gāthāyo abhāsitthāti.
नन्दत्थेरस्सापदानं ततियं।
Nandattherassāpadānaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ३. नन्दत्थेरअपदानवण्णना • 3. Nandattheraapadānavaṇṇanā
