| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. နန္ဒသုတ္တဝဏ္ဏနာ
9. Nandasuttavaṇṇanā
၉. နဝမေ ကုလပုတ္တောတိ ဇာတိကုလပုတ္တော။ ဗလဝာတိ ထာမသမ္ပန္နော။ ပာသာဒိကောတိ ရူပသမ္ပတ္တိယာ ပသာဒဇနကော။ တိဗ္ဗရာဂောတိ ဗဟလရာဂော။ ကိမညတ္ရာတိအာဒီသု အယမတ္ထော – ကိံ အညေန ကာရဏေန ကထိတေန, အယံ နန္ဒော ဣန္ဒ္ရိယေသု ဂုတ္တဒ္ဝာရော ဘောဇနေ မတ္တညူ ဇာဂရိယမနုယုတ္တော သတိသမ္ပဇညေန သမန္နာဂတော, ယေဟိ နန္ဒော သက္ကောတိ ပရိပုဏ္ဏံ ပရိသုဒ္ဓံ ဗ္ရဟ္မစရိယံ စရိတုံ။ သစေ ဣမေဟိ ကာရဏေဟိ သမန္နာဂတော နာဘဝိသ္သ, န သက္ကုဏေယ္ယာတိ။ ဣတိဟ တတ္ထာတိ ဧဝံ တတ္ထ။ ဣမသ္မိံ သုတ္တေ ဝဋ္ဋမေဝ ကထိတံ။
9. Navame kulaputtoti jātikulaputto. Balavāti thāmasampanno. Pāsādikoti rūpasampattiyā pasādajanako. Tibbarāgoti bahalarāgo. Kimaññatrātiādīsu ayamattho – kiṃ aññena kāraṇena kathitena, ayaṃ nando indriyesu guttadvāro bhojane mattaññū jāgariyamanuyutto satisampajaññena samannāgato, yehi nando sakkoti paripuṇṇaṃ parisuddhaṃ brahmacariyaṃ carituṃ. Sace imehi kāraṇehi samannāgato nābhavissa, na sakkuṇeyyāti. Itiha tatthāti evaṃ tattha. Imasmiṃ sutte vaṭṭameva kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. နန္ဒသုတ္တံ • 9. Nandasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉. နန္ဒသုတ္တဝဏ္ဏနာ • 9. Nandasuttavaṇṇanā
