| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
९. नन्दसुत्तवण्णना
9. Nandasuttavaṇṇanā
९. नवमे दुविधा कुलपुत्ता जातिकुलपुत्ता आचारकुलपुत्ता च। तत्थ ‘‘तेन खो पन समयेन रट्ठपालो कुलपुत्तो तस्मिंयेव थुल्लकोट्ठिके अग्गकुलिकस्स पुत्तो’’ति (म॰ नि॰ २.२९४) एवं आगता उच्चाकुलपुत्ता जातिकुलपुत्ता। ‘‘सद्धायेते कुलपुत्ता अगारस्मा अनगारियं पब्बजिता’’ति (म॰ नि॰ ३.७८) एवं आगता पन यत्थ कत्थचि कुले पसुतापि आचारकुलपुत्ता नाम। इध पन उच्चाकुलप्पसुततं सन्धाय ‘‘कुलपुत्तोति, भिक्खवे, नन्दं सम्मा वदमानो वदेय्या’’ति भगवता वुत्तन्ति आह ‘‘जातिकुलपुत्तो’’ति। उभोहिपि पन कारणेहि तस्स कुलपुत्तभावोयेव। सेसमेत्थ उत्तानमेव।
9. Navame duvidhā kulaputtā jātikulaputtā ācārakulaputtā ca. Tattha ‘‘tena kho pana samayena raṭṭhapālo kulaputto tasmiṃyeva thullakoṭṭhike aggakulikassa putto’’ti (ma. ni. 2.294) evaṃ āgatā uccākulaputtā jātikulaputtā. ‘‘Saddhāyete kulaputtā agārasmā anagāriyaṃ pabbajitā’’ti (ma. ni. 3.78) evaṃ āgatā pana yattha katthaci kule pasutāpi ācārakulaputtā nāma. Idha pana uccākulappasutataṃ sandhāya ‘‘kulaputtoti, bhikkhave, nandaṃ sammā vadamāno vadeyyā’’ti bhagavatā vuttanti āha ‘‘jātikulaputto’’ti. Ubhohipi pana kāraṇehi tassa kulaputtabhāvoyeva. Sesamettha uttānameva.
नन्दसुत्तवण्णना निट्ठिता।
Nandasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ९. नन्दसुत्तं • 9. Nandasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ९. नन्दसुत्तवण्णना • 9. Nandasuttavaṇṇanā
