| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൪. നന്ദനസുത്തവണ്ണനാ
4. Nandanasuttavaṇṇanā
൯൫. ചതുത്ഥേ ഗോതമാതി ഭഗവന്തം ഗോത്തേന ആലപതി. അനാവടന്തി തഥാഗതസ്സ ഹി സബ്ബഞ്ഞുതഞ്ഞാണം പേസേന്തസ്സ രുക്ഖോ വാ പബ്ബതോ വാ ആവരിതും സമത്ഥോ നാമ നത്ഥി. തേനാഹ ‘‘അനാവട’’ന്തി. ഇതി തഥാഗതം ഥോമേത്വാ ദേവലോകേ അഭിസങ്ഖതപഞ്ഹം പുച്ഛന്തോ കഥംവിധന്തിആദിമാഹ. തത്ഥ ദുക്ഖമതിച്ച ഇരിയതീതി ദുക്ഖം അതിക്കമിത്വാ വിഹരതി. സീലവാതി ലോകിയലോകുത്തരേന സീലേന സമന്നാഗതോ ഖീണാസവോ. പഞ്ഞാദയോപി മിസ്സകായേവ വേദിതബ്ബാ. പൂജയന്തീതി ഗന്ധപുപ്ഫാദീഹി പൂജേന്തി. ചതുത്ഥം.
95. Catutthe gotamāti bhagavantaṃ gottena ālapati. Anāvaṭanti tathāgatassa hi sabbaññutaññāṇaṃ pesentassa rukkho vā pabbato vā āvarituṃ samattho nāma natthi. Tenāha ‘‘anāvaṭa’’nti. Iti tathāgataṃ thometvā devaloke abhisaṅkhatapañhaṃ pucchanto kathaṃvidhantiādimāha. Tattha dukkhamaticca iriyatīti dukkhaṃ atikkamitvā viharati. Sīlavāti lokiyalokuttarena sīlena samannāgato khīṇāsavo. Paññādayopi missakāyeva veditabbā. Pūjayantīti gandhapupphādīhi pūjenti. Catutthaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. നന്ദനസുത്തം • 4. Nandanasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. നന്ദനസുത്തവണ്ണനാ • 4. Nandanasuttavaṇṇanā
