| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. નન્દનસુત્તવણ્ણના
4. Nandanasuttavaṇṇanā
૯૫. ચતુત્થે ગોતમાતિ ભગવન્તં ગોત્તેન આલપતિ. અનાવટન્તિ તથાગતસ્સ હિ સબ્બઞ્ઞુતઞ્ઞાણં પેસેન્તસ્સ રુક્ખો વા પબ્બતો વા આવરિતું સમત્થો નામ નત્થિ. તેનાહ ‘‘અનાવટ’’ન્તિ. ઇતિ તથાગતં થોમેત્વા દેવલોકે અભિસઙ્ખતપઞ્હં પુચ્છન્તો કથંવિધન્તિઆદિમાહ. તત્થ દુક્ખમતિચ્ચ ઇરિયતીતિ દુક્ખં અતિક્કમિત્વા વિહરતિ. સીલવાતિ લોકિયલોકુત્તરેન સીલેન સમન્નાગતો ખીણાસવો. પઞ્ઞાદયોપિ મિસ્સકાયેવ વેદિતબ્બા. પૂજયન્તીતિ ગન્ધપુપ્ફાદીહિ પૂજેન્તિ. ચતુત્થં.
95. Catutthe gotamāti bhagavantaṃ gottena ālapati. Anāvaṭanti tathāgatassa hi sabbaññutaññāṇaṃ pesentassa rukkho vā pabbato vā āvarituṃ samattho nāma natthi. Tenāha ‘‘anāvaṭa’’nti. Iti tathāgataṃ thometvā devaloke abhisaṅkhatapañhaṃ pucchanto kathaṃvidhantiādimāha. Tattha dukkhamaticca iriyatīti dukkhaṃ atikkamitvā viharati. Sīlavāti lokiyalokuttarena sīlena samannāgato khīṇāsavo. Paññādayopi missakāyeva veditabbā. Pūjayantīti gandhapupphādīhi pūjenti. Catutthaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. નન્દનસુત્તં • 4. Nandanasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. નન્દનસુત્તવણ્ણના • 4. Nandanasuttavaṇṇanā
