| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. నన్దనసుత్తవణ్ణనా
4. Nandanasuttavaṇṇanā
౯౫. చతుత్థే గోతమాతి భగవన్తం గోత్తేన ఆలపతి. అనావటన్తి తథాగతస్స హి సబ్బఞ్ఞుతఞ్ఞాణం పేసేన్తస్స రుక్ఖో వా పబ్బతో వా ఆవరితుం సమత్థో నామ నత్థి. తేనాహ ‘‘అనావట’’న్తి. ఇతి తథాగతం థోమేత్వా దేవలోకే అభిసఙ్ఖతపఞ్హం పుచ్ఛన్తో కథంవిధన్తిఆదిమాహ. తత్థ దుక్ఖమతిచ్చ ఇరియతీతి దుక్ఖం అతిక్కమిత్వా విహరతి. సీలవాతి లోకియలోకుత్తరేన సీలేన సమన్నాగతో ఖీణాసవో. పఞ్ఞాదయోపి మిస్సకాయేవ వేదితబ్బా. పూజయన్తీతి గన్ధపుప్ఫాదీహి పూజేన్తి. చతుత్థం.
95. Catutthe gotamāti bhagavantaṃ gottena ālapati. Anāvaṭanti tathāgatassa hi sabbaññutaññāṇaṃ pesentassa rukkho vā pabbato vā āvarituṃ samattho nāma natthi. Tenāha ‘‘anāvaṭa’’nti. Iti tathāgataṃ thometvā devaloke abhisaṅkhatapañhaṃ pucchanto kathaṃvidhantiādimāha. Tattha dukkhamaticca iriyatīti dukkhaṃ atikkamitvā viharati. Sīlavāti lokiyalokuttarena sīlena samannāgato khīṇāsavo. Paññādayopi missakāyeva veditabbā. Pūjayantīti gandhapupphādīhi pūjenti. Catutthaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. నన్దనసుత్తం • 4. Nandanasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. నన్దనసుత్తవణ్ణనా • 4. Nandanasuttavaṇṇanā
