| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. নন্দনৰগ্গো
2. Nandanavaggo
১. নন্দনসুত্তং
1. Nandanasuttaṃ
১১. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তত্র খো ভগৰা ভিক্খূ আমন্তেসি – ‘‘ভিক্খৰো’’তি। ‘‘ভদন্তে’’তি তে ভিক্খূ ভগৰতো পচ্চস্সোসুং। ভগৰা এতদৰোচ –
11. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ভূতপুব্বং, ভিক্খৰে, অঞ্ঞতরা তাৰতিংসকাযিকা দেৰতা নন্দনে ৰনে অচ্ছরাসঙ্ঘপরিৰুতা দিব্বেহি পঞ্চহি কামগুণেহি সমপ্পিতা সমঙ্গীভূতা পরিচারিযমানা 1 তাযং ৰেলাযং ইমং গাথং অভাসি –
‘‘Bhūtapubbaṃ, bhikkhave, aññatarā tāvatiṃsakāyikā devatā nandane vane accharāsaṅghaparivutā dibbehi pañcahi kāmaguṇehi samappitā samaṅgībhūtā paricāriyamānā 2 tāyaṃ velāyaṃ imaṃ gāthaṃ abhāsi –
‘‘ন তে সুখং পজানন্তি, যে ন পস্সন্তি নন্দনং।
‘‘Na te sukhaṃ pajānanti, ye na passanti nandanaṃ;
আৰাসং নরদেৰানং, তিদসানং যসস্সিন’’ন্তি॥
Āvāsaṃ naradevānaṃ, tidasānaṃ yasassina’’nti.
‘‘এৰং ৰুত্তে, ভিক্খৰে, অঞ্ঞতরা দেৰতা তং দেৰতং গাথায পচ্চভাসি –
‘‘Evaṃ vutte, bhikkhave, aññatarā devatā taṃ devataṃ gāthāya paccabhāsi –
‘‘ন ত্ৰং বালে পজানাসি, যথা অরহতং ৰচো।
‘‘Na tvaṃ bāle pajānāsi, yathā arahataṃ vaco;
উপ্পজ্জিত্ৰা নিরুজ্ঝন্তি, তেসং ৰূপসমো সুখো’’তি॥
Uppajjitvā nirujjhanti, tesaṃ vūpasamo sukho’’ti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. নন্দনসুত্তৰণ্ণনা • 1. Nandanasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. নন্দনসুত্তৰণ্ণনা • 1. Nandanasuttavaṇṇanā
