| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
6. நந்த³கத்தே²ரஅபதா³னங்
6. Nandakattheraapadānaṃ
161.
161.
‘‘மிக³லுத்³தோ³ புரே ஆஸிங், அரஞ்ஞே கானநே அஹங்;
‘‘Migaluddo pure āsiṃ, araññe kānane ahaṃ;
162.
162.
‘‘அனுருத்³தோ⁴ நாம ஸம்பு³த்³தோ⁴, ஸயம்பூ⁴ அபராஜிதோ;
‘‘Anuruddho nāma sambuddho, sayambhū aparājito;
விவேககாமோ ஸோ தீ⁴ரோ, வனமஜ்ஜோ²க³ஹீ ததா³.
Vivekakāmo so dhīro, vanamajjhogahī tadā.
163.
163.
‘‘சதுத³ண்டே³ க³ஹெத்வான, சதுட்டா²னே ட²பேஸஹங்;
‘‘Catudaṇḍe gahetvāna, catuṭṭhāne ṭhapesahaṃ;
மண்ட³பங் ஸுகதங் கத்வா, பத்³மபுப்பே²ஹி சா²த³யிங்.
Maṇḍapaṃ sukataṃ katvā, padmapupphehi chādayiṃ.
164.
164.
‘‘மண்ட³பங் சா²த³யித்வான, ஸயம்பு⁴ங் அபி⁴வாத³யிங்;
‘‘Maṇḍapaṃ chādayitvāna, sayambhuṃ abhivādayiṃ;
த⁴னுங் தத்தே²வ நிக்கி²ப்ப, பப்³ப³ஜிங் அனகா³ரியங்.
Dhanuṃ tattheva nikkhippa, pabbajiṃ anagāriyaṃ.
165.
165.
புப்³ப³கம்மங் ஸரித்வான, தத்த² காலங்கதோ அஹங்.
Pubbakammaṃ saritvāna, tattha kālaṅkato ahaṃ.
166.
166.
‘‘புப்³ப³கம்மேன ஸங்யுத்தோ, துஸிதங் அக³மாஸஹங்;
‘‘Pubbakammena saṃyutto, tusitaṃ agamāsahaṃ;
தத்த² ஸொண்ணமயங் ப்³யம்ஹங், நிப்³ப³த்ததி யதி³ச்ச²கங்.
Tattha soṇṇamayaṃ byamhaṃ, nibbattati yadicchakaṃ.
167.
167.
‘‘ஸஹஸ்ஸயுத்தங் ஹயவாஹிங், தி³ப்³ப³யானமதி⁴ட்டி²தோ;
‘‘Sahassayuttaṃ hayavāhiṃ, dibbayānamadhiṭṭhito;
ஆருஹித்வான தங் யானங், க³ச்சா²மஹங் யதி³ச்ச²கங்.
Āruhitvāna taṃ yānaṃ, gacchāmahaṃ yadicchakaṃ.
168.
168.
‘‘ததோ மே நிய்யமானஸ்ஸ, தே³வபூ⁴தஸ்ஸ மே ஸதோ;
‘‘Tato me niyyamānassa, devabhūtassa me sato;
ஸமந்தா யோஜனஸதங், மண்ட³போ மே த⁴ரீயதி.
Samantā yojanasataṃ, maṇḍapo me dharīyati.
169.
169.
அந்தலிக்கா² ச பது³மா, வஸ்ஸந்தே நிச்சகாலிகங்.
Antalikkhā ca padumā, vassante niccakālikaṃ.
170.
170.
‘‘மரீசிகே ப²ந்த³மானே, தப்பமானே ச ஆதபே;
‘‘Marīcike phandamāne, tappamāne ca ātape;
ந மங் தாபேதி ஆதாபோ, மண்ட³பஸ்ஸ இத³ங் ப²லங்.
Na maṃ tāpeti ātāpo, maṇḍapassa idaṃ phalaṃ.
171.
171.
‘‘து³க்³க³திங் ஸமதிக்கந்தோ, அபாயா பிஹிதா மம;
‘‘Duggatiṃ samatikkanto, apāyā pihitā mama;
மண்ட³பே ருக்க²மூலே வா, ஸந்தாபோ மே ந விஜ்ஜதி.
Maṇḍape rukkhamūle vā, santāpo me na vijjati.
172.
172.
‘‘மஹீஸஞ்ஞங் அதி⁴ட்டா²ய, லோணதோயங் தராமஹங்;
‘‘Mahīsaññaṃ adhiṭṭhāya, loṇatoyaṃ tarāmahaṃ;
தஸ்ஸ மே ஸுகதங் கம்மங், பு³த்³த⁴பூஜாயித³ங் ப²லங்.
Tassa me sukataṃ kammaṃ, buddhapūjāyidaṃ phalaṃ.
173.
173.
அஹோ மே ஸுகதங் கம்மங், பு³த்³த⁴பூஜாயித³ங் ப²லங்.
Aho me sukataṃ kammaṃ, buddhapūjāyidaṃ phalaṃ.
174.
174.
‘‘புப்³பே³னிவாஸங் ஜானாமி, தி³ப்³ப³சக்கு² விஸோதி⁴தங்;
‘‘Pubbenivāsaṃ jānāmi, dibbacakkhu visodhitaṃ;
ஆஸவா மே பரிக்கீ²ணா, பு³த்³த⁴பூஜாயித³ங் ப²லங்.
Āsavā me parikkhīṇā, buddhapūjāyidaṃ phalaṃ.
175.
175.
‘‘ஜஹிதா புரிமா ஜாதி, பு³த்³த⁴ஸ்ஸ ஓரஸோ அஹங்;
‘‘Jahitā purimā jāti, buddhassa oraso ahaṃ;
தா³யாதொ³ம்ஹி ச ஸத்³த⁴ம்மே, பு³த்³த⁴பூஜாயித³ங் ப²லங்.
Dāyādomhi ca saddhamme, buddhapūjāyidaṃ phalaṃ.
176.
176.
‘‘ஆராதி⁴தொம்ஹி ஸுக³தங், கோ³தமங் ஸக்யபுங்க³வங்;
‘‘Ārādhitomhi sugataṃ, gotamaṃ sakyapuṅgavaṃ;
த⁴ம்மத⁴ஜோ த⁴ம்மதா³யாதோ³ 9, பு³த்³த⁴பூஜாயித³ங் ப²லங்.
Dhammadhajo dhammadāyādo 10, buddhapūjāyidaṃ phalaṃ.
177.
177.
‘‘உபட்டி²த்வான ஸம்பு³த்³த⁴ங், கோ³தமங் ஸக்யபுங்க³வங்;
‘‘Upaṭṭhitvāna sambuddhaṃ, gotamaṃ sakyapuṅgavaṃ;
பாரங்க³மனியங் மக்³க³ங், அபுச்சி²ங் லோகனாயகங்.
Pāraṅgamaniyaṃ maggaṃ, apucchiṃ lokanāyakaṃ.
178.
178.
‘‘அஜ்ஜி²ட்டோ² கத²யீ பு³த்³தோ⁴, க³ம்பீ⁴ரங் நிபுணங் பத³ங்;
‘‘Ajjhiṭṭho kathayī buddho, gambhīraṃ nipuṇaṃ padaṃ;
தஸ்ஸாஹங் த⁴ம்மங் ஸுத்வான, பத்தொம்ஹி ஆஸவக்க²யங்.
Tassāhaṃ dhammaṃ sutvāna, pattomhi āsavakkhayaṃ.
179.
179.
‘‘அஹோ மே ஸுகதங் கம்மங், பரிமுத்தொம்ஹி ஜாதியா;
‘‘Aho me sukataṃ kammaṃ, parimuttomhi jātiyā;
ஸப்³பா³ஸவபரிக்கீ²ணோ, நத்தி² தா³னி புனப்³ப⁴வோ.
Sabbāsavaparikkhīṇo, natthi dāni punabbhavo.
180.
180.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
181.
181.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
182.
182.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நந்த³கோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā nandako thero imā gāthāyo abhāsitthāti.
நந்த³கத்தே²ரஸ்ஸாபதா³னங் ச²ட்ட²ங்.
Nandakattherassāpadānaṃ chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 2. புண்ணகத்தே²ரஅபதா³னவண்ணனா • 2. Puṇṇakattheraapadānavaṇṇanā
