| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
4. ஞாணத்த²விகத்தே²ரஅபதா³னங்
4. Ñāṇatthavikattheraapadānaṃ
35.
35.
‘‘கணிகாரங்வ ஜலிதங், தீ³பருக்க²ங்வ ஜோதிதங்;
‘‘Kaṇikāraṃva jalitaṃ, dīparukkhaṃva jotitaṃ;
கஞ்சனங்வ விரோசந்தங், அத்³த³ஸங் த்³விபது³த்தமங்.
Kañcanaṃva virocantaṃ, addasaṃ dvipaduttamaṃ.
36.
36.
‘‘கமண்ட³லுங் ட²பெத்வான, வாகசீரஞ்ச குண்டி³கங்;
‘‘Kamaṇḍaluṃ ṭhapetvāna, vākacīrañca kuṇḍikaṃ;
ஏகங்ஸங் அஜினங் கத்வா, பு³த்³த⁴ஸெட்ட²ங் த²விங் அஹங்.
Ekaṃsaṃ ajinaṃ katvā, buddhaseṭṭhaṃ thaviṃ ahaṃ.
37.
37.
‘‘‘தமந்த⁴காரங் வித⁴மங், மோஹஜாலஸமாகுலங்;
‘‘‘Tamandhakāraṃ vidhamaṃ, mohajālasamākulaṃ;
ஞாணாலோகங் த³ஸ்ஸெத்வான, நித்திண்ணோஸி மஹாமுனி.
Ñāṇālokaṃ dassetvāna, nittiṇṇosi mahāmuni.
38.
38.
‘‘‘ஸமுத்³த⁴ரஸிமங் லோகங், ஸப்³பா³வந்தமனுத்தரங்;
‘‘‘Samuddharasimaṃ lokaṃ, sabbāvantamanuttaraṃ;
39.
39.
‘‘‘தேன ஞாணேன ஸப்³ப³ஞ்ஞூ, இதி பு³த்³தோ⁴ பவுச்சதி;
‘‘‘Tena ñāṇena sabbaññū, iti buddho pavuccati;
வந்தா³மி தங் மஹாவீரங், ஸப்³ப³ஞ்ஞுதமனாவரங்’.
Vandāmi taṃ mahāvīraṃ, sabbaññutamanāvaraṃ’.
40.
40.
‘‘ஸதஸஹஸ்ஸிதோ கப்பே, பு³த்³த⁴ஸெட்ட²ங் த²விங் அஹங்;
‘‘Satasahassito kappe, buddhaseṭṭhaṃ thaviṃ ahaṃ;
து³க்³க³திங் நாபி⁴ஜானாமி, ஞாணத்த²வாயித³ங் ப²லங்;
Duggatiṃ nābhijānāmi, ñāṇatthavāyidaṃ phalaṃ;
41.
41.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ;
‘‘Kilesā jhāpitā mayhaṃ…pe… viharāmi anāsavo;
42.
42.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
43.
43.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஞாணத்த²விகோ தே²ரோ இமா கா³தா²யோ
Itthaṃ sudaṃ āyasmā ñāṇatthaviko thero imā gāthāyo
அபா⁴ஸித்தா²தி.
Abhāsitthāti.
ஞாணத்த²விகத்தே²ரஸ்ஸாபதா³னங் சதுத்த²ங்.
Ñāṇatthavikattherassāpadānaṃ catutthaṃ.
Footnotes:
