| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. н̃аан̣асан̃н̃игад̇т̇зраабад̣̇аанаван̣н̣анаа
2. Ñāṇasaññikattheraapadānavaṇṇanā
суван̣н̣аван̣н̣ам̣ самб̣уд̣̇д̇ханд̇иаад̣̇игам̣ ааяасмад̇о н̃аан̣асан̃н̃игад̇т̇зрасса абад̣̇аанам̣. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о сад̣̇д̇хаммассаванз саад̣̇аро саалаяо бхаг̇авад̇о д̇хаммад̣̇зсанаанусаарзна н̃аан̣ам̣ бзсзд̇ваа гхосабамаан̣ад̇д̇аа бхаг̇авад̇о н̃аан̣з басанно бан̃жан̇г̇аадтан̇г̇анамаггааравасзна бан̣аамам̣ гад̇ваа баггаами. со д̇ад̇о жуд̇о д̣̇звалогзсу уббанно д̇ад̇т̇а ча гаамааважарз д̣̇иб̣б̣асамбад̇д̇иманубхаванд̇о д̇ад̇о жавид̇ваа мануссалогз ж̇аад̇о д̇ад̇т̇аг̇г̇абхууд̇аа жаггавад̇д̇исамбад̣̇аад̣̇аяо анубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулаг̇зхз ниб̣б̣ад̇д̇о вуд̣̇д̇химанвааяа сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Suvaṇṇavaṇṇaṃsambuddhantiādikaṃ āyasmato ñāṇasaññikattherassa apadānaṃ. Kā uppatti? Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto vuddhimanvāya saddhājāto saddhammassavane sādaro sālayo bhagavato dhammadesanānusārena ñāṇaṃ pesetvā ghosapamāṇattā bhagavato ñāṇe pasanno pañcaṅgaaṭṭhaṅganamakkāravasena paṇāmaṃ katvā pakkāmi. So tato cuto devalokesu uppanno tattha cha kāmāvacare dibbasampattimanubhavanto tato cavitvā manussaloke jāto tatthaggabhūtā cakkavattisampadādayo anubhavitvā imasmiṃ buddhuppāde vibhavasampanne ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
7. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о суван̣н̣аван̣н̣ам̣ самб̣уд̣̇д̇ханд̇иаад̣̇имааха. д̇ам̣ вуд̇д̇ад̇т̇амзва. нисабхааж̇аанияам̣ яат̇аад̇и г̇авасад̇асахассаж̇здто нисабхо, нисабхо жа со ааж̇аанияо сздто уд̇д̇амо жзд̇и нисабхааж̇аанияо. яат̇аа нисабхааж̇аанияо, д̇ат̇зва бхаг̇аваад̇и ад̇т̇о. логависаяасан̃н̃аад̇ам̣ бан̃н̃ад̇д̇ивасзна звам̣ вуд̇д̇ам̣. анубамзяяо хи бхаг̇аваа. сзсам̣ саб̣б̣ад̇т̇а уд̇д̇аанад̇т̇амзваад̇и.
7. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Taṃ vuttatthameva. Nisabhājāniyaṃ yathāti gavasatasahassajeṭṭho nisabho, nisabho ca so ājāniyo seṭṭho uttamo ceti nisabhājāniyo. Yathā nisabhājāniyo, tatheva bhagavāti attho. Lokavisayasaññātaṃ paññattivasena evaṃ vuttaṃ. Anupameyyo hi bhagavā. Sesaṃ sabbattha uttānatthamevāti.
н̃аан̣асан̃н̃игад̇т̇зраабад̣̇аанаван̣н̣анаа самад̇д̇аа.
Ñāṇasaññikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. н̃аан̣асан̃н̃игад̇т̇зраабад̣̇аанам̣ • 2. Ñāṇasaññikattheraapadānaṃ
