| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૫. ઞાણં ચિત્તવિપ્પયુત્તન્તિકથાવણ્ણના
5. Ñāṇaṃ cittavippayuttantikathāvaṇṇanā
૬૧૬-૬૧૭. ઇદાનિ ઞાણં ચિત્તવિપ્પયુત્તન્તિકથા નામ હોતિ. તત્થ યસ્મા અરહા ચક્ખુવિઞ્ઞાણાદિસમઙ્ગી પટિલદ્ધં મગ્ગઞાણં સન્ધાય ‘‘ઞાણી’’તિ વુચ્ચતિ, ન ચસ્સ તં તેન ચિત્તેન સમ્પયુત્તં, તસ્મા ‘‘ઞાણં ચિત્તવિપ્પયુત્ત’’ન્તિ યેસં લદ્ધિ, સેય્યથાપિ પુબ્બસેલિયાનં; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘યદિ તે ઞાણં ચિત્તવિપ્પયુત્તં ચિત્તવિપ્પયુત્તેસુ રૂપાદીસુ અઞ્ઞતરં સિયા’’તિ ચોદેતું રૂપન્તિઆદિમાહ. ઇતરો પટિક્ખિપતિ. સેસં હેટ્ઠા વુત્તનયમેવ. પરિયોસાને પન પઞ્ઞવાતિ પુટ્ઠો પટિલાભવસેન તં પવત્તિં ઇચ્છતિ, તસ્મા પટિજાનાતીતિ.
616-617. Idāni ñāṇaṃ cittavippayuttantikathā nāma hoti. Tattha yasmā arahā cakkhuviññāṇādisamaṅgī paṭiladdhaṃ maggañāṇaṃ sandhāya ‘‘ñāṇī’’ti vuccati, na cassa taṃ tena cittena sampayuttaṃ, tasmā ‘‘ñāṇaṃ cittavippayutta’’nti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te ñāṇaṃ cittavippayuttaṃ cittavippayuttesu rūpādīsu aññataraṃ siyā’’ti codetuṃ rūpantiādimāha. Itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ pavattiṃ icchati, tasmā paṭijānātīti.
ઞાણં ચિત્તવિપ્પયુત્તન્તિકથાવણ્ણના.
Ñāṇaṃ cittavippayuttantikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૧૦) ૫. ઞાણં ચિત્તવિપ્પયુત્તન્તિકથા • (110) 5. Ñāṇaṃ cittavippayuttantikathā
