| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൧. ഏകാദസമവഗ്ഗോ
11. Ekādasamavaggo
(൧൧൦) ൫. ഞാണം ചിത്തവിപ്പയുത്തന്തികഥാ
(110) 5. Ñāṇaṃ cittavippayuttantikathā
൬൧൬. ഞാണം ചിത്തവിപ്പയുത്തന്തി? ആമന്താ. രൂപം നിബ്ബാനം ചക്ഖായതനം…പേ॰… ഫോട്ഠബ്ബായതനന്തി? ന ഹേവം വത്തബ്ബേ…പേ॰… ഞാണം ചിത്തവിപ്പയുത്തന്തി? ആമന്താ. പഞ്ഞാ പഞ്ഞിന്ദ്രിയം പഞ്ഞാബലം സമ്മാദിട്ഠി ധമ്മവിചയസമ്ബോജ്ഝങ്ഗോ ചിത്തവിപ്പയുത്തോതി? ന ഹേവം വത്തബ്ബേ…പേ॰… പഞ്ഞാ പഞ്ഞിന്ദ്രിയം പഞ്ഞാബലം സമ്മാദിട്ഠി ധമ്മവിചയസമ്ബോജ്ഝങ്ഗോ ചിത്തസമ്പയുത്തോതി? ആമന്താ. ഞാണം ചിത്തസമ്പയുത്തന്തി? ന ഹേവം വത്തബ്ബേ…പേ॰….
616. Ñāṇaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ cittavippayuttanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo cittavippayuttoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo cittasampayuttoti? Āmantā. Ñāṇaṃ cittasampayuttanti? Na hevaṃ vattabbe…pe….
ഞാണം ചിത്തവിപ്പയുത്തന്തി? ആമന്താ. കതമക്ഖന്ധപരിയാപന്നന്തി ? സങ്ഖാരക്ഖന്ധപരിയാപന്നന്തി. സങ്ഖാരക്ഖന്ധോ ചിത്തവിപ്പയുത്തോതി? ന ഹേവം വത്തബ്ബേ…പേ॰… സങ്ഖാരക്ഖന്ധോ ചിത്തവിപ്പയുത്തോതി? ആമന്താ. വേദനാക്ഖന്ധോ സഞ്ഞാക്ഖന്ധോ ചിത്തവിപ്പയുത്തോതി? ന ഹേവം വത്തബ്ബേ…പേ॰… ഞാണം സങ്ഖാരക്ഖന്ധപരിയാപന്നം ചിത്തവിപ്പയുത്തന്തി? ആമന്താ. പഞ്ഞാ സങ്ഖാരക്ഖന്ധപരിയാപന്നാ ചിത്തവിപ്പയുത്താതി? ന ഹേവം വത്തബ്ബേ…പേ॰… പഞ്ഞാ സങ്ഖാരക്ഖന്ധപരിയാപന്നാ ചിത്തസമ്പയുത്താതി? ആമന്താ. ഞാണം സങ്ഖാരക്ഖന്ധപരിയാപന്നം ചിത്തസമ്പയുത്തന്തി? ന ഹേവം വത്തബ്ബേ…പേ॰… ഞാണം സങ്ഖാരക്ഖന്ധപരിയാപന്നം ചിത്തവിപ്പയുത്തം, പഞ്ഞാ സങ്ഖാരക്ഖന്ധപരിയാപന്നാ ചിത്തസമ്പയുത്താതി? ആമന്താ. സങ്ഖാരക്ഖന്ധോ ഏകദേസോ ചിത്തസമ്പയുത്തോ ഏകദേസോ ചിത്തവിപ്പയുത്തോതി? ന ഹേവം വത്തബ്ബേ…പേ॰… സങ്ഖാരക്ഖന്ധോ ഏകദേസോ ചിത്തസമ്പയുത്തോ ഏകദേസോ ചിത്തവിപ്പയുത്തോതി? ആമന്താ. വേദനാക്ഖന്ധോ സഞ്ഞാക്ഖന്ധോ ഏകദേസോ ചിത്തസമ്പയുത്തോ ഏകദേസോ ചിത്തവിപ്പയുത്തോതി? ന ഹേവം വത്തബ്ബേ…പേ॰….
Ñāṇaṃ cittavippayuttanti? Āmantā. Katamakkhandhapariyāpannanti ? Saṅkhārakkhandhapariyāpannanti. Saṅkhārakkhandho cittavippayuttoti? Na hevaṃ vattabbe…pe… saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttanti? Āmantā. Paññā saṅkhārakkhandhapariyāpannā cittavippayuttāti? Na hevaṃ vattabbe…pe… paññā saṅkhārakkhandhapariyāpannā cittasampayuttāti? Āmantā. Ñāṇaṃ saṅkhārakkhandhapariyāpannaṃ cittasampayuttanti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttaṃ, paññā saṅkhārakkhandhapariyāpannā cittasampayuttāti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe…pe… saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
൬൧൭. ന വത്തബ്ബം – ‘‘ഞാണം ചിത്തവിപ്പയുത്ത’’ന്തി? ആമന്താ. അരഹാ ചക്ഖുവിഞ്ഞാണസമങ്ഗീ ‘‘ഞാണീ’’തി വത്തബ്ബോതി? ആമന്താ. ഞാണം തേന ചിത്തേന സമ്പയുത്തന്തി? ന ഹേവം വത്തബ്ബേ. തേന ഹി ഞാണം ചിത്തവിപ്പയുത്തന്തി.
617. Na vattabbaṃ – ‘‘ñāṇaṃ cittavippayutta’’nti? Āmantā. Arahā cakkhuviññāṇasamaṅgī ‘‘ñāṇī’’ti vattabboti? Āmantā. Ñāṇaṃ tena cittena sampayuttanti? Na hevaṃ vattabbe. Tena hi ñāṇaṃ cittavippayuttanti.
അരഹാ ചക്ഖുവിഞ്ഞാണസമങ്ഗീ ‘‘പഞ്ഞവാ’’തി വത്തബ്ബോതി 1? ആമന്താ. പഞ്ഞാ തേന ചിത്തേന സമ്പയുത്താതി? ന ഹേവം വത്തബ്ബേ. തേന ഹി പഞ്ഞാ ചിത്തവിപ്പയുത്താതി.
Arahā cakkhuviññāṇasamaṅgī ‘‘paññavā’’ti vattabboti 2? Āmantā. Paññā tena cittena sampayuttāti? Na hevaṃ vattabbe. Tena hi paññā cittavippayuttāti.
ഞാണം ചിത്തവിപ്പയുത്തന്തികഥാ നിട്ഠിതാ.
Ñāṇaṃ cittavippayuttantikathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫. ഞാണം ചിത്തവിപ്പയുത്തന്തികഥാവണ്ണനാ • 5. Ñāṇaṃ cittavippayuttantikathāvaṇṇanā
