| Library / Tipiṭaka / ติปิฎก • Tipiṭaka / ปญฺจปกรณ-อนุฎีกา • Pañcapakaraṇa-anuṭīkā |
๖. ญาณกถาวณฺณนา
6. Ñāṇakathāvaṇṇanā
๘๗๖-๘๗๗. ‘‘ทฺวาทสวตฺถุกํ ญาณํ โลกุตฺตร’’นฺติ เอตฺถ ทฺวาทสวตฺถุกสฺส ญาณสฺส โลกุตฺตรตา ปติฎฺฐาปียตีติ ทเสฺสโนฺต ปฐมวิกปฺปํ วตฺวา ปุน โลกุตฺตรญาณสฺส ทฺวาทสวตฺถุกตา ปติฎฺฐาปียตีติ ทเสฺสตุํ ‘‘ตํ วา…เป.… อโตฺถ’’ติ อาหฯ ปริเญฺญยฺยนฺติ เอตฺถ อิติ-สโทฺท อาทิอโตฺถ, ปการโตฺถ วาฯ เตน ‘‘ปหาตพฺพ’’นฺติ เอวมาทิํ สงฺคณฺหาติฯ ปริญฺญาตนฺติ เอตฺถาปิ เอเสว นโยฯ ‘‘ปริเญฺญยฺยํ ปริญฺญาต’’นฺติอาทินา ปริชานนาทิกิริยาย นิพฺพเตฺตตพฺพตา นิพฺพตฺติตตา จ ทสฺสิตา, น นิพฺพตฺติยมานตาติฯ เยน ปน สา โหติ, ตํ ทเสฺสตุํ ‘‘สจฺจญาณํ ปนา’’ติอาทิ วุตฺตํฯ ตตฺถ สจฺจญาณนฺติ ทุกฺขาทิสจฺจสภาวาวโพธกํ ญาณํ, ยํ สนฺธาย ‘‘อิทํ ทุกฺข’’นฺติอาทิ วุตฺตํฯ มคฺคกฺขเณปีติ อปิ-สเทฺทน ตโต ปุพฺพาปรภาเคปีติ ทฎฺฐพฺพํฯ ปริชานนาทิกิจฺจสาธนวเสน โหติ อสโมฺมหโต วิสยโต จาติ อธิปฺปาโยฯ
876-877. ‘‘Dvādasavatthukaṃ ñāṇaṃ lokuttara’’nti ettha dvādasavatthukassa ñāṇassa lokuttaratā patiṭṭhāpīyatīti dassento paṭhamavikappaṃ vatvā puna lokuttarañāṇassa dvādasavatthukatā patiṭṭhāpīyatīti dassetuṃ ‘‘taṃ vā…pe… attho’’ti āha. Pariññeyyanti ettha iti-saddo ādiattho, pakārattho vā. Tena ‘‘pahātabba’’nti evamādiṃ saṅgaṇhāti. Pariññātanti etthāpi eseva nayo. ‘‘Pariññeyyaṃ pariññāta’’ntiādinā parijānanādikiriyāya nibbattetabbatā nibbattitatā ca dassitā, na nibbattiyamānatāti. Yena pana sā hoti, taṃ dassetuṃ ‘‘saccañāṇaṃ panā’’tiādi vuttaṃ. Tattha saccañāṇanti dukkhādisaccasabhāvāvabodhakaṃ ñāṇaṃ, yaṃ sandhāya ‘‘idaṃ dukkha’’ntiādi vuttaṃ. Maggakkhaṇepīti api-saddena tato pubbāparabhāgepīti daṭṭhabbaṃ. Parijānanādikiccasādhanavasena hoti asammohato visayato cāti adhippāyo.
ญาณกถาวณฺณนา นิฎฺฐิตาฯ
Ñāṇakathāvaṇṇanā niṭṭhitā.
วีสติมวคฺควณฺณนา นิฎฺฐิตาฯ
Vīsatimavaggavaṇṇanā niṭṭhitā.
จตุโตฺถ ปณฺณาสโก สมโตฺตฯ
Catuttho paṇṇāsako samatto.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๙๙) ๖. ญาณกถา • (199) 6. Ñāṇakathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๖. ญาณกถาวณฺณนา • 6. Ñāṇakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๖. ญาณกถาวณฺณนา • 6. Ñāṇakathāvaṇṇanā
