| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৬. ঞাণকথাৰণ্ণনা
6. Ñāṇakathāvaṇṇanā
৮৭৬-৮৭৭. ‘‘দ্ৰাদসৰত্থুকং ঞাণং লোকুত্তর’’ন্তি এত্থ দ্ৰাদসৰত্থুকস্স ঞাণস্স লোকুত্তরতা পতিট্ঠাপীযতীতি দস্সেন্তো পঠমৰিকপ্পং ৰত্ৰা পুন লোকুত্তরঞাণস্স দ্ৰাদসৰত্থুকতা পতিট্ঠাপীযতীতি দস্সেতুং ‘‘তং ৰা…পে॰… অত্থো’’তি আহ। পরিঞ্ঞেয্যন্তি এত্থ ইতি-সদ্দো আদিঅত্থো, পকারত্থো ৰা। তেন ‘‘পহাতব্ব’’ন্তি এৰমাদিং সঙ্গণ্হাতি। পরিঞ্ঞাতন্তি এত্থাপি এসেৰ নযো। ‘‘পরিঞ্ঞেয্যং পরিঞ্ঞাত’’ন্তিআদিনা পরিজাননাদিকিরিযায নিব্বত্তেতব্বতা নিব্বত্তিততা চ দস্সিতা, ন নিব্বত্তিযমানতাতি। যেন পন সা হোতি, তং দস্সেতুং ‘‘সচ্চঞাণং পনা’’তিআদি ৰুত্তং। তত্থ সচ্চঞাণন্তি দুক্খাদিসচ্চসভাৰাৰবোধকং ঞাণং, যং সন্ধায ‘‘ইদং দুক্খ’’ন্তিআদি ৰুত্তং। মগ্গক্খণেপীতি অপি-সদ্দেন ততো পুব্বাপরভাগেপীতি দট্ঠব্বং। পরিজাননাদিকিচ্চসাধনৰসেন হোতি অসম্মোহতো ৰিসযতো চাতি অধিপ্পাযো।
876-877. ‘‘Dvādasavatthukaṃ ñāṇaṃ lokuttara’’nti ettha dvādasavatthukassa ñāṇassa lokuttaratā patiṭṭhāpīyatīti dassento paṭhamavikappaṃ vatvā puna lokuttarañāṇassa dvādasavatthukatā patiṭṭhāpīyatīti dassetuṃ ‘‘taṃ vā…pe… attho’’ti āha. Pariññeyyanti ettha iti-saddo ādiattho, pakārattho vā. Tena ‘‘pahātabba’’nti evamādiṃ saṅgaṇhāti. Pariññātanti etthāpi eseva nayo. ‘‘Pariññeyyaṃ pariññāta’’ntiādinā parijānanādikiriyāya nibbattetabbatā nibbattitatā ca dassitā, na nibbattiyamānatāti. Yena pana sā hoti, taṃ dassetuṃ ‘‘saccañāṇaṃ panā’’tiādi vuttaṃ. Tattha saccañāṇanti dukkhādisaccasabhāvāvabodhakaṃ ñāṇaṃ, yaṃ sandhāya ‘‘idaṃ dukkha’’ntiādi vuttaṃ. Maggakkhaṇepīti api-saddena tato pubbāparabhāgepīti daṭṭhabbaṃ. Parijānanādikiccasādhanavasena hoti asammohato visayato cāti adhippāyo.
ঞাণকথাৰণ্ণনা নিট্ঠিতা।
Ñāṇakathāvaṇṇanā niṭṭhitā.
ৰীসতিমৰগ্গৰণ্ণনা নিট্ঠিতা।
Vīsatimavaggavaṇṇanā niṭṭhitā.
চতুত্থো পণ্ণাসকো সমত্তো।
Catuttho paṇṇāsako samatto.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৯৯) ৬. ঞাণকথা • (199) 6. Ñāṇakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৬. ঞাণকথাৰণ্ণনা • 6. Ñāṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৬. ঞাণকথাৰণ্ণনা • 6. Ñāṇakathāvaṇṇanā
