| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७. अद्धवग्गो
7. Addhavaggo
१. नामसुत्तवण्णना
1. Nāmasuttavaṇṇanā
६१. नामन्ति सामञ्ञनामादिभेदं नामं। सब्बन्ति सब्बं पञ्ञत्तिपथं सब्बं ञेय्यपवत्तिपथं। अद्धभवीति कामं पाळियं अतीतकालनिद्देसो कतो, तं पन लक्खणमत्तं। अभिभवति अनुपततीति एतेन अभिभवो अनुपतनं पवत्ति एवाति दस्सेति। तं पनस्स अभिभवनं अप्पविसये अनामसित्वा महाविसयानं वसेन दस्सेन्तो ‘‘ओपपातिकेन वा’’तिआदिमाह। तस्स नामं होतीति तस्स रुक्खपासाणादिकस्स अनामकोइच्चेव समञ्ञा होति, तथा नं सञ्जानन्तीति अत्थो।
61.Nāmanti sāmaññanāmādibhedaṃ nāmaṃ. Sabbanti sabbaṃ paññattipathaṃ sabbaṃ ñeyyapavattipathaṃ. Addhabhavīti kāmaṃ pāḷiyaṃ atītakālaniddeso kato, taṃ pana lakkhaṇamattaṃ. Abhibhavati anupatatīti etena abhibhavo anupatanaṃ pavatti evāti dasseti. Taṃ panassa abhibhavanaṃ appavisaye anāmasitvā mahāvisayānaṃ vasena dassento ‘‘opapātikena vā’’tiādimāha. Tassa nāmaṃ hotīti tassa rukkhapāsāṇādikassa anāmakoicceva samaññā hoti, tathā naṃ sañjānantīti attho.
नामसुत्तवण्णना निट्ठिता।
Nāmasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. नामसुत्तं • 1. Nāmasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. नामसुत्तवण्णना • 1. Nāmasuttavaṇṇanā
