3. Naḷinakesariyattheraapadānaṃ

9.

‘‘Jātassarassa vemajjhe, vasāmi jalakukkuṭo;

Addasāhaṃ ² devadevaṃ, gacchantaṃ anilañjase.

10.

‘‘Tuṇḍena kesariṃ ⁴ gayha, vippasannena cetasā;

Buddhassa abhiropesiṃ, tissassa lokabandhuno.

11.

‘‘Dvenavute ito kappe, yaṃ pupphamabhipūjayiṃ;

Duggatiṃ nābhijānāmi, buddhapūjāyidaṃ phalaṃ.

12.

‘‘Tesattatimhi kappamhi, satta kesaranāmakā ⁶;

Sattaratanasampannā, cakkavattī mahabbalā.

13.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā naḷinakesariyo thero imā gāthāyo abhāsitthāti.

Naḷinakesariyattherassāpadānaṃ tatiyaṃ.