| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
9. நளகுடிதா³யகத்தே²ரஅபதா³னங்
9. Naḷakuṭidāyakattheraapadānaṃ
93.
93.
‘‘ஹிமவந்தஸ்ஸாவிதூ³ரே , ஹாரிதோ நாம பப்³ப³தோ;
‘‘Himavantassāvidūre , hārito nāma pabbato;
ஸயம்பூ⁴ நாரதோ³ நாம, ருக்க²மூலே வஸீ ததா³.
Sayambhū nārado nāma, rukkhamūle vasī tadā.
94.
94.
‘‘நளாகா³ரங் கரித்வான, திணேன சா²த³யிங் அஹங்;
‘‘Naḷāgāraṃ karitvāna, tiṇena chādayiṃ ahaṃ;
சங்கமங் ஸோத⁴யித்வான, ஸயம்பு⁴ஸ்ஸ அதா³ஸஹங்.
Caṅkamaṃ sodhayitvāna, sayambhussa adāsahaṃ.
95.
95.
‘‘தேன கம்மேன ஸுகதேன, சேதனாபணிதீ⁴ஹி ச;
‘‘Tena kammena sukatena, cetanāpaṇidhīhi ca;
ஜஹித்வா மானுஸங் தே³ஹங், தாவதிங்ஸமக³ச்ச²ஹங்.
Jahitvā mānusaṃ dehaṃ, tāvatiṃsamagacchahaṃ.
96.
96.
‘‘தத்த² மே ஸுகதங் ப்³யம்ஹங், நளகுடிகனிம்மிதங்;
‘‘Tattha me sukataṃ byamhaṃ, naḷakuṭikanimmitaṃ;
ஸட்டி²யோஜனமுப்³பே³த⁴ங், திங்ஸயோஜனவித்த²தங்.
Saṭṭhiyojanamubbedhaṃ, tiṃsayojanavitthataṃ.
97.
97.
‘‘சதுத்³த³ஸேஸு கப்பேஸு, தே³வலோகே ரமிங் அஹங்;
‘‘Catuddasesu kappesu, devaloke ramiṃ ahaṃ;
ஏகஸத்ததிக்க²த்துஞ்ச, தே³வரஜ்ஜமகாரயிங்.
Ekasattatikkhattuñca, devarajjamakārayiṃ.
98.
98.
‘‘சதுதிங்ஸதிக்க²த்துஞ்ச, சக்கவத்தீ அஹோஸஹங்;
‘‘Catutiṃsatikkhattuñca, cakkavattī ahosahaṃ;
பதே³ஸரஜ்ஜங் விபுலங், க³ணனாதோ அஸங்கி²யங்.
Padesarajjaṃ vipulaṃ, gaṇanāto asaṅkhiyaṃ.
99.
99.
‘‘த⁴ம்மபாஸாத³மாருய்ஹ, ஸப்³பா³காரவரூபமங்;
‘‘Dhammapāsādamāruyha, sabbākāravarūpamaṃ;
யதி³ச்ச²காஹங் விஹரே, ஸக்யபுத்தஸ்ஸ ஸாஸனே.
Yadicchakāhaṃ vihare, sakyaputtassa sāsane.
100.
100.
‘‘ஏகதிங்ஸே இதோ கப்பே, யங் கம்மமகரிங் ததா³;
‘‘Ekatiṃse ito kappe, yaṃ kammamakariṃ tadā;
து³க்³க³திங் நாபி⁴ஜானாமி, நளகுடியித³ங் ப²லங்.
Duggatiṃ nābhijānāmi, naḷakuṭiyidaṃ phalaṃ.
101.
101.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
102.
102.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
103.
103.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நளகுடிதா³யகோ தே²ரோ இமா கா³தா²யோ
Itthaṃ sudaṃ āyasmā naḷakuṭidāyako thero imā gāthāyo
அபா⁴ஸித்தா²தி.
Abhāsitthāti.
நளகுடிதா³யகத்தே²ரஸ்ஸாபதா³னங் நவமங்.
Naḷakuṭidāyakattherassāpadānaṃ navamaṃ.
