| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਨਕੁਲਪਿਤੁਸੁਤ੍ਤવਣ੍ਣਨਾ
6. Nakulapitusuttavaṇṇanā
੧੬. ਛਟ੍ਠੇ વਿਸਭਾਗવੇਦਨੁਪ੍ਪਤ੍ਤਿਯਾ ਕਕਚੇਨੇવ ਚਤੁਇਰਿਯਾਪਥਂ ਛਿਨ੍ਦਨ੍ਤੋ ਆਬਾਧਯਤੀਤਿ ਆਬਾਧੋ, ਸੋ ਯਸ੍ਸ ਅਤ੍ਥੀਤਿ ਆਬਾਧਿਕੋ। ਤਂਸਮੁਟ੍ਠਾਨਦੁਕ੍ਖੇਨ ਦੁਕ੍ਖਿਤੋ। ਅਧਿਮਤ੍ਤਗਿਲਾਨੋਤਿ ਧਾਤੁਸਙ੍ਖਯੇਨ ਪਰਿਕ੍ਖੀਣਸਰੀਰੋ।
16. Chaṭṭhe visabhāgavedanuppattiyā kakaceneva catuiriyāpathaṃ chindanto ābādhayatīti ābādho, so yassa atthīti ābādhiko. Taṃsamuṭṭhānadukkhena dukkhito. Adhimattagilānoti dhātusaṅkhayena parikkhīṇasarīro.
ਸਪ੍ਪਟਿਭਯਕਨ੍ਤਾਰਸਦਿਸਾ ਸੋਲ਼ਸવਤ੍ਥੁਕਾ ਅਟ੍ਠવਤ੍ਥੁਕਾ ਚ વਿਚਿਕਿਚ੍ਛਾ ਤਿਣ੍ਣਾ ਇਮਾਯਾਤਿ ਤਿਣ੍ਣવਿਚਿਕਿਚ੍ਛਾ। વਿਗਤਾ ਸਮੁਚ੍ਛਿਨ੍ਨਾ ਪવਤ੍ਤਿਆਦੀਸੁ ‘‘ਏવਂ ਨੁ ਖੋ ਨ ਨੁ ਖੋ’’ਤਿ ਏવਂ ਪવਤ੍ਤਿਕਾ ਕਥਂਕਥਾ ਅਸ੍ਸਾਤਿ વਿਗਤਕਥਂਕਥਾ। ਸਾਰਜ੍ਜਕਰਾਨਂ ਪਾਪਧਮ੍ਮਾਨਂ ਪਹੀਨਤ੍ਤਾ ਰਾਗવਿਕ੍ਖੇਪੇਸੁ ਸੀਲਾਦਿਗੁਣੇਸੁ ਚ ਤਿਟ੍ਠਕਤ੍ਤਾ વੇਸਾਰਜ੍ਜਂ, વਿਸਾਰਦਭਾવਂ વੇਯ੍ਯਤ੍ਤਿਯਂ ਪਤ੍ਤਾਤਿ વੇਸਾਰਜ੍ਜਪ੍ਪਤ੍ਤਾ। ਅਤ੍ਤਨਾ ਏવ ਪਚ੍ਚਕ੍ਖਤੋ ਦਿਟ੍ਠਤ੍ਤਾ ਨ ਪਰਂ ਪਚ੍ਚੇਤਿ, ਨਸ੍ਸ ਪਰੋ ਪਚ੍ਚੇਤਬ੍ਬੋ ਅਤ੍ਥੀਤਿ ਅਪਰਪ੍ਪਚ੍ਚਯਾ।
Sappaṭibhayakantārasadisā soḷasavatthukā aṭṭhavatthukā ca vicikicchā tiṇṇā imāyāti tiṇṇavicikicchā. Vigatā samucchinnā pavattiādīsu ‘‘evaṃ nu kho na nu kho’’ti evaṃ pavattikā kathaṃkathā assāti vigatakathaṃkathā. Sārajjakarānaṃ pāpadhammānaṃ pahīnattā rāgavikkhepesu sīlādiguṇesu ca tiṭṭhakattā vesārajjaṃ, visāradabhāvaṃ veyyattiyaṃ pattāti vesārajjappattā. Attanā eva paccakkhato diṭṭhattā na paraṃ pacceti, nassa paro paccetabbo atthīti aparappaccayā.
ਗਿਲਾਨਾ વੁਟ੍ਠਿਤੋਤਿ ਗਿਲਾਨਭਾવਤੋ વੁਟ੍ਠਾਯ ਠਿਤੋ। ਭਾવਪ੍ਪਧਾਨੋ ਹਿ ਅਯਂ ਨਿਦ੍ਦੇਸੋ। ਗਿਲਾਨੋ ਹੁਤ੍વਾ વੁਟ੍ਠਿਤੋਤਿ ਇਦਂ ਪਨ ਅਤ੍ਥਮਤ੍ਤਨਿਦਸ੍ਸਨਂ।
Gilānā vuṭṭhitoti gilānabhāvato vuṭṭhāya ṭhito. Bhāvappadhāno hi ayaṃ niddeso. Gilāno hutvā vuṭṭhitoti idaṃ pana atthamattanidassanaṃ.
ਨਕੁਲਪਿਤੁਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nakulapitusuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਨਕੁਲਪਿਤੁਸੁਤ੍ਤਂ • 6. Nakulapitusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਨਕੁਲਪਿਤੁਸੁਤ੍ਤવਣ੍ਣਨਾ • 6. Nakulapitusuttavaṇṇanā
