| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੫. ਨਕੁਲਙ੍ਗਪਞ੍ਹੋ
5. Nakulaṅgapañho
੫. ‘‘ਭਨ੍ਤੇ ਨਾਗਸੇਨ, ‘ਨਕੁਲਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਨਕੁਲੋ ਉਰਗਮੁਪਗਚ੍ਛਨ੍ਤੋ ਭੇਸਜ੍ਜੇਨ ਕਾਯਂ ਪਰਿਭਾવੇਤ੍વਾ ਉਰਗਮੁਪਗਚ੍ਛਤਿ ਗਹੇਤੁਂ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕੋਧਾਘਾਤਬਹੁਲਂ ਕਲਹવਿਗ੍ਗਹવਿવਾਦવਿਰੋਧਾਭਿਭੂਤਂ ਲੋਕਮੁਪਗਚ੍ਛਨ੍ਤੇਨ ਮੇਤ੍ਤਾਭੇਸਜ੍ਜੇਨ ਮਾਨਸਂ ਅਨੁਲਿਮ੍ਪਿਤਬ੍ਬਂ। ਇਦਂ, ਮਹਾਰਾਜ, ਨਕੁਲਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
5. ‘‘Bhante nāgasena, ‘nakulassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, nakulo uragamupagacchanto bhesajjena kāyaṃ paribhāvetvā uragamupagacchati gahetuṃ, evameva kho, mahārāja, yoginā yogāvacarena kodhāghātabahulaṃ kalahaviggahavivādavirodhābhibhūtaṃ lokamupagacchantena mettābhesajjena mānasaṃ anulimpitabbaṃ. Idaṃ, mahārāja, nakulassa ekaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਤਸ੍ਮਾ ਸਕਂ ਪਰੇਸਮ੍ਪਿ, ਕਾਤਬ੍ਬਾ ਮੇਤ੍ਤਭਾવਨਾ।
‘‘‘Tasmā sakaṃ paresampi, kātabbā mettabhāvanā;
ਮੇਤ੍ਤਚਿਤ੍ਤੇਨ ਫਰਿਤਬ੍ਬਂ, ਏਤਂ ਬੁਦ੍ਧਾਨ ਸਾਸਨ’’’ਨ੍ਤਿ॥
Mettacittena pharitabbaṃ, etaṃ buddhāna sāsana’’’nti.
ਨਕੁਲਙ੍ਗਪਞ੍ਹੋ ਪਞ੍ਚਮੋ।
Nakulaṅgapañho pañcamo.
