| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૫. નકુલઙ્ગપઞ્હો
5. Nakulaṅgapañho
૫. ‘‘ભન્તે નાગસેન, ‘નકુલસ્સ એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, નકુલો ઉરગમુપગચ્છન્તો ભેસજ્જેન કાયં પરિભાવેત્વા ઉરગમુપગચ્છતિ ગહેતું, એવમેવ ખો, મહારાજ, યોગિના યોગાવચરેન કોધાઘાતબહુલં કલહવિગ્ગહવિવાદવિરોધાભિભૂતં લોકમુપગચ્છન્તેન મેત્તાભેસજ્જેન માનસં અનુલિમ્પિતબ્બં. ઇદં, મહારાજ, નકુલસ્સ એકં અઙ્ગં ગહેતબ્બં. ભાસિતમ્પેતં, મહારાજ, થેરેન સારિપુત્તેન ધમ્મસેનાપતિના –
5. ‘‘Bhante nāgasena, ‘nakulassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, nakulo uragamupagacchanto bhesajjena kāyaṃ paribhāvetvā uragamupagacchati gahetuṃ, evameva kho, mahārāja, yoginā yogāvacarena kodhāghātabahulaṃ kalahaviggahavivādavirodhābhibhūtaṃ lokamupagacchantena mettābhesajjena mānasaṃ anulimpitabbaṃ. Idaṃ, mahārāja, nakulassa ekaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘તસ્મા સકં પરેસમ્પિ, કાતબ્બા મેત્તભાવના;
‘‘‘Tasmā sakaṃ paresampi, kātabbā mettabhāvanā;
મેત્તચિત્તેન ફરિતબ્બં, એતં બુદ્ધાન સાસન’’’ન્તિ.
Mettacittena pharitabbaṃ, etaṃ buddhāna sāsana’’’nti.
નકુલઙ્ગપઞ્હો પઞ્ચમો.
Nakulaṅgapañho pañcamo.
