| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៧. នហានសិក្ខាបទវណ្ណនា
7. Nahānasikkhāpadavaṇṇanā
៣៥៧. សត្តមសិក្ខាបទស្ស បាឡិយំ អសម្ភិន្នេនាតិ អមក្ខិតេន, អនដ្ឋេនាតិ អត្ថោ។ ឱរេនទ្ធមាសំ នហាយេយ្យាតិ នហាតទិវសតោ បដ្ឋាយ អទ្ធមាសេ អបរិបុណ្ណេ នហាយេយ្យ។ សេសមេត្ថ ឧត្តានមេវ។ មជ្ឈិមទេសោ, ឩនកទ្ធមាសេ នហានំ, សមយានំ វា នទីបារគមនស្ស វា អាបទានំ វា អភាវោតិ ឥមានិ បនេត្ថ តីណិ អង្គានិ។
357. Sattamasikkhāpadassa pāḷiyaṃ asambhinnenāti amakkhitena, anaṭṭhenāti attho. Orenaddhamāsaṃ nahāyeyyāti nahātadivasato paṭṭhāya addhamāse aparipuṇṇe nahāyeyya. Sesamettha uttānameva. Majjhimadeso, ūnakaddhamāse nahānaṃ, samayānaṃ vā nadīpāragamanassa vā āpadānaṃ vā abhāvoti imāni panettha tīṇi aṅgāni.
នហានសិក្ខាបទវណ្ណនា និដ្ឋិតា។
Nahānasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៦. សុរាបានវគ្គោ • 6. Surāpānavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៧. នហានសិក្ខាបទវណ្ណនា • 7. Nahānasikkhāpadavaṇṇanā
