| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
226. наг̇г̇ияабадигкзбагат̇аа
226. Naggiyapaṭikkhepakathā
370. д̇зна ко бана самаязна ан̃н̃ад̇аро бхигку наг̇г̇о худ̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса ван̣н̣аваад̣̇ий. ид̣̇ам̣, бханд̇з, наг̇г̇ияам̣ анзгабарияааязна аббижчад̇ааяа санд̇удтид̇ааяа саллзкааяа д̇худ̇ад̇ааяа 1 баасаад̣̇игад̇ааяа абажаяааяа вийрияаарамбхааяа сам̣вад̇д̇ад̇и. саад̇ху, бханд̇з, бхаг̇аваа бхигкуунам̣ наг̇г̇ияам̣ ануж̇аанаад̇уу’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, наг̇г̇ияам̣ д̇ид̇т̇ияасамаад̣̇аанам̣ самаад̣̇ияиссаси. нзд̇ам̣, могхабуриса, аббасаннаанам̣ ваа басаад̣̇ааяа…бз…’’ виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, наг̇г̇ияам̣ д̇ид̇т̇ияасамаад̣̇аанам̣ самаад̣̇ияид̇аб̣б̣ам̣. яо самаад̣̇иязяяа, аабад̇д̇и т̇уллажжаяассаа’’д̇и.
370. Tena kho pana samayena aññataro bhikkhu naggo hutvā yena bhagavā tenupasaṅkami, upasaṅkamitvā bhagavantaṃ etadavoca – ‘‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī. Idaṃ, bhante, naggiyaṃ anekapariyāyena appicchatāya santuṭṭhitāya sallekhāya dhutatāya 2 pāsādikatāya apacayāya vīriyārambhāya saṃvattati. Sādhu, bhante, bhagavā bhikkhūnaṃ naggiyaṃ anujānātū’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, naggiyaṃ titthiyasamādānaṃ samādiyissasi. Netaṃ, moghapurisa, appasannānaṃ vā pasādāya…pe…’’ vigarahitvā dhammiṃ kathaṃ katvā bhikkhū āmantesi – ‘‘na, bhikkhave, naggiyaṃ titthiyasamādānaṃ samādiyitabbaṃ. Yo samādiyeyya, āpatti thullaccayassā’’ti.
наг̇г̇ияабадигкзбагат̇аа нидтид̇аа.
Naggiyapaṭikkhepakathā niṭṭhitā.
Footnotes:
