| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൧൮. നഗ്ഗനിദ്ദേസവണ്ണനാ
18. Nagganiddesavaṇṇanā
൧൬൬. ‘‘വജേ’’തിആദീസു ന-സദ്ദോ സമ്ബന്ധിതബ്ബോ. തത്ഥ പന യഥാനുരൂപഭോജനാദികം കമ്മവചനം അജ്ഝാഹരിത്വാ ‘‘ഭോജനം ന ഭുഞ്ജേ’’തിആദിനാ അത്ഥോ വേദിതബ്ബോ.
166.‘‘Vaje’’tiādīsu na-saddo sambandhitabbo. Tattha pana yathānurūpabhojanādikaṃ kammavacanaṃ ajjhāharitvā ‘‘bhojanaṃ na bhuñje’’tiādinā attho veditabbo.
൧൬൭. ന കരേതി ഹത്ഥകമ്മാദികം പരികമ്മം സയമ്പി ന കരേയ്യാതി അത്ഥോ. പടിച്ഛാദീസൂതി നിദ്ധാരണേ ഭുമ്മം, ജന്താഘരുദകവത്ഥപ്പടിച്ഛാദീനം മജ്ഝേതി അത്ഥോ. പരികമ്മേ ദുവേ കപ്പിയാതി സമ്ബന്ധോ. പരികമ്മേതി ജന്താഘരേ ഉദകേപി ഉപജ്ഝായാദീനം കത്തബ്ബപരികമ്മവിസയേ, ന അഭിവാദനാദീസു. ദുവേതി ജന്താഘരഉദകപ്പടിച്ഛാദയോ. ഛാദേന്തി ഏതായാതി ഛാദി, വത്ഥസ്സ ഛാദി വത്ഥച്ഛാദി. സബ്ബത്ഥാതി സബ്ബകമ്മേസൂതി.
167.Nakareti hatthakammādikaṃ parikammaṃ sayampi na kareyyāti attho. Paṭicchādīsūti niddhāraṇe bhummaṃ, jantāgharudakavatthappaṭicchādīnaṃ majjheti attho. Parikamme duve kappiyāti sambandho. Parikammeti jantāghare udakepi upajjhāyādīnaṃ kattabbaparikammavisaye, na abhivādanādīsu. Duveti jantāgharaudakappaṭicchādayo. Chādenti etāyāti chādi, vatthassa chādi vatthacchādi. Sabbatthāti sabbakammesūti.
നഗ്ഗനിദ്ദേസവണ്ണനാ നിട്ഠിതാ.
Nagganiddesavaṇṇanā niṭṭhitā.
