| Library / Tipiṭaka / ཏིཔིཊཀ • Tipiṭaka / ཁུདྡསིཀྑཱ-མཱུལསིཀྑཱ • Khuddasikkhā-mūlasikkhā |
༡༨. ནགྒནིདྡེསཝཎྞནཱ
18. Nagganiddesavaṇṇanā
༡༦༦. ‘‘ཝཛེ’’ཏིཨཱདཱིསུ ན-སདྡོ སམྦནྡྷིཏབྦོ། ཏཏྠ པན ཡཐཱནུརཱུཔབྷོཛནཱདིཀཾ ཀམྨཝཙནཾ ཨཛ྄ཛྷཱཧརིཏྭཱ ‘‘བྷོཛནཾ ན བྷུཉྫེ’’ཏིཨཱདིནཱ ཨཏྠོ ཝེདིཏབྦོ།
166.‘‘Vaje’’tiādīsu na-saddo sambandhitabbo. Tattha pana yathānurūpabhojanādikaṃ kammavacanaṃ ajjhāharitvā ‘‘bhojanaṃ na bhuñje’’tiādinā attho veditabbo.
༡༦༧. ན ཀརེཏི ཧཏྠཀམྨཱདིཀཾ པརིཀམྨཾ སཡམྤི ན ཀརེཡྻཱཏི ཨཏྠོ། པཊིཙྪཱདཱིསཱུཏི ནིདྡྷཱརཎེ བྷུམྨཾ, ཛནྟཱགྷརུདཀཝཏྠཔྤཊིཙྪཱདཱིནཾ མཛ྄ཛྷེཏི ཨཏྠོ། པརིཀམྨེ དུཝེ ཀཔྤིཡཱཏི སམྦནྡྷོ། པརིཀམྨེཏི ཛནྟཱགྷརེ ཨུདཀེཔི ཨུཔཛ྄ཛྷཱཡཱདཱིནཾ ཀཏྟབྦཔརིཀམྨཝིསཡེ, ན ཨབྷིཝཱདནཱདཱིསུ། དུཝེཏི ཛནྟཱགྷརཨུདཀཔྤཊིཙྪཱདཡོ། ཚཱདེནྟི ཨེཏཱཡཱཏི ཚཱདི, ཝཏྠསྶ ཚཱདི ཝཏྠཙྪཱདི། སབྦཏྠཱཏི སབྦཀམྨེསཱུཏི།
167.Nakareti hatthakammādikaṃ parikammaṃ sayampi na kareyyāti attho. Paṭicchādīsūti niddhāraṇe bhummaṃ, jantāgharudakavatthappaṭicchādīnaṃ majjheti attho. Parikamme duve kappiyāti sambandho. Parikammeti jantāghare udakepi upajjhāyādīnaṃ kattabbaparikammavisaye, na abhivādanādīsu. Duveti jantāgharaudakappaṭicchādayo. Chādenti etāyāti chādi, vatthassa chādi vatthacchādi. Sabbatthāti sabbakammesūti.
ནགྒནིདྡེསཝཎྞནཱ ནིཊྛིཏཱ།
Nagganiddesavaṇṇanā niṭṭhitā.
