| Library / Tipiṭaka / ཏིཔིཊཀ • Tipiṭaka / ཁུདྡསིཀྑཱ-མཱུལསིཀྑཱ • Khuddasikkhā-mūlasikkhā |
༡༨. ནགྒནིདྡེསཝཎྞནཱ
18. Nagganiddesavaṇṇanā
༡༦༦. ‘‘ན ཏྭེཝ ནགྒེན ཨཱགནྟབྦཾ, ཡོ ཨཱགཙྪེཡྻ, ཨཱཔཏྟི དུཀྐཊསྶཱ’’ཏི (པཱརཱ॰ ༥༡༧) ཝུཏྟཏྟཱ (ཙཱུལ༹ཝ॰ ༢༦༡;) ‘‘ནགྒོ མགྒཾ ན ཝཛེ’’ཏི ཝུཏྟཾ།
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
༡༦༧. པཊིཙྪཱདིསཱུཏི ‘‘ཏེན ཁོ པན སམཡེན བྷིཀྑཱུ ཛནྟཱགྷརེཔི ཨུདཀེཔི པརིཀམྨཾ ཀཱཏུཾ ཀུཀྐུཙྩཱཡནྟི། ཨནུཛཱནཱམི, བྷིཀྑཝེ, ཏིསྶོ པཊིཙྪཱདིཡོ ཛནྟཱགྷརཔྤཊིཙྪཱདིཾ ཨུདཀཔྤཊིཙྪཱདིཾ ཝཏྠཔྤཊིཙྪཱདི’’ནྟི ཨེཝཾ ཝུཏྟཱསུ ཏཱིསུ པཊིཙྪཱདཱིསཱུཏི ཨཏྠོ། དུཝེཏི ཨེཏཱསུ ཏཱིསུ པཊིཙྪཱདཱིསུ ཨུདཀཛནྟཱགྷརཔྤཊིཙྪཱདིཡོ པརིཀམྨེ ཀཔྤནྟཱིཏི ཨདྷིཔྤཱཡོ། ཝཏྠཙྪཱདཱིཏི ཝཏྠཔྤཊིཙྪཱདི། སབྦཏྠཱཏི ཁཱདནཱིཡསཱཡནཱིཡཱདཱིསུ སབྦཀམྨེསུ ཀཔྤིཡཱཏི ཨཏྠོ། ནགྒཝིནིཙྪཡོ།
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
ནགྒནིདྡེསཝཎྞནཱ ནིཊྛིཏཱ།
Nagganiddesavaṇṇanā niṭṭhitā.
