| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೧೮. ನಗ್ಗನಿದ್ದೇಸವಣ್ಣನಾ
18. Nagganiddesavaṇṇanā
೧೬೬. ‘‘ನ ತ್ವೇವ ನಗ್ಗೇನ ಆಗನ್ತಬ್ಬಂ, ಯೋ ಆಗಚ್ಛೇಯ್ಯ, ಆಪತ್ತಿ ದುಕ್ಕಟಸ್ಸಾ’’ತಿ (ಪಾರಾ॰ ೫೧೭) ವುತ್ತತ್ತಾ (ಚೂಳವ॰ ೨೬೧;) ‘‘ನಗ್ಗೋ ಮಗ್ಗಂ ನ ವಜೇ’’ತಿ ವುತ್ತಂ।
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
೧೬೭. ಪಟಿಚ್ಛಾದಿಸೂತಿ ‘‘ತೇನ ಖೋ ಪನ ಸಮಯೇನ ಭಿಕ್ಖೂ ಜನ್ತಾಘರೇಪಿ ಉದಕೇಪಿ ಪರಿಕಮ್ಮಂ ಕಾತುಂ ಕುಕ್ಕುಚ್ಚಾಯನ್ತಿ। ಅನುಜಾನಾಮಿ, ಭಿಕ್ಖವೇ, ತಿಸ್ಸೋ ಪಟಿಚ್ಛಾದಿಯೋ ಜನ್ತಾಘರಪ್ಪಟಿಚ್ಛಾದಿಂ ಉದಕಪ್ಪಟಿಚ್ಛಾದಿಂ ವತ್ಥಪ್ಪಟಿಚ್ಛಾದಿ’’ನ್ತಿ ಏವಂ ವುತ್ತಾಸು ತೀಸು ಪಟಿಚ್ಛಾದೀಸೂತಿ ಅತ್ಥೋ। ದುವೇತಿ ಏತಾಸು ತೀಸು ಪಟಿಚ್ಛಾದೀಸು ಉದಕಜನ್ತಾಘರಪ್ಪಟಿಚ್ಛಾದಿಯೋ ಪರಿಕಮ್ಮೇ ಕಪ್ಪನ್ತೀತಿ ಅಧಿಪ್ಪಾಯೋ। ವತ್ಥಚ್ಛಾದೀತಿ ವತ್ಥಪ್ಪಟಿಚ್ಛಾದಿ। ಸಬ್ಬತ್ಥಾತಿ ಖಾದನೀಯಸಾಯನೀಯಾದೀಸು ಸಬ್ಬಕಮ್ಮೇಸು ಕಪ್ಪಿಯಾತಿ ಅತ್ಥೋ। ನಗ್ಗವಿನಿಚ್ಛಯೋ।
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
ನಗ್ಗನಿದ್ದೇಸವಣ್ಣನಾ ನಿಟ್ಠಿತಾ।
Nagganiddesavaṇṇanā niṭṭhitā.
