| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
၁၈. နဂ္ဂနိဒ္ဒေသဝဏ္ဏနာ
18. Nagganiddesavaṇṇanā
၁၆၆. ‘‘ဝဇေ’’တိအာဒီသု န-သဒ္ဒော သမ္ဗန္ဓိတဗ္ဗော။ တတ္ထ ပန ယထာနုရူပဘောဇနာဒိကံ ကမ္မဝစနံ အဇ္ဈာဟရိတ္ဝာ ‘‘ဘောဇနံ န ဘုဉ္ဇေ’’တိအာဒိနာ အတ္ထော ဝေဒိတဗ္ဗော။
166.‘‘Vaje’’tiādīsu na-saddo sambandhitabbo. Tattha pana yathānurūpabhojanādikaṃ kammavacanaṃ ajjhāharitvā ‘‘bhojanaṃ na bhuñje’’tiādinā attho veditabbo.
၁၆၇. န ကရေတိ ဟတ္ထကမ္မာဒိကံ ပရိကမ္မံ သယမ္ပိ န ကရေယ္ယာတိ အတ္ထော။ ပဋိစ္ဆာဒီသူတိ နိဒ္ဓာရဏေ ဘုမ္မံ, ဇန္တာဃရုဒကဝတ္ထပ္ပဋိစ္ဆာဒီနံ မဇ္ဈေတိ အတ္ထော။ ပရိကမ္မေ ဒုဝေ ကပ္ပိယာတိ သမ္ဗန္ဓော။ ပရိကမ္မေတိ ဇန္တာဃရေ ဥဒကေပိ ဥပဇ္ဈာယာဒီနံ ကတ္တဗ္ဗပရိကမ္မဝိသယေ, န အဘိဝာဒနာဒီသု။ ဒုဝေတိ ဇန္တာဃရဥဒကပ္ပဋိစ္ဆာဒယော။ ဆာဒေန္တိ ဧတာယာတိ ဆာဒိ, ဝတ္ထသ္သ ဆာဒိ ဝတ္ထစ္ဆာဒိ။ သဗ္ဗတ္ထာတိ သဗ္ဗကမ္မေသူတိ။
167.Nakareti hatthakammādikaṃ parikammaṃ sayampi na kareyyāti attho. Paṭicchādīsūti niddhāraṇe bhummaṃ, jantāgharudakavatthappaṭicchādīnaṃ majjheti attho. Parikamme duve kappiyāti sambandho. Parikammeti jantāghare udakepi upajjhāyādīnaṃ kattabbaparikammavisaye, na abhivādanādīsu. Duveti jantāgharaudakappaṭicchādayo. Chādenti etāyāti chādi, vatthassa chādi vatthacchādi. Sabbatthāti sabbakammesūti.
နဂ္ဂနိဒ္ဒေသဝဏ္ဏနာ နိဋ္ဌိတာ။
Nagganiddesavaṇṇanā niṭṭhitā.
