| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
၁၈. နဂ္ဂနိဒ္ဒေသဝဏ္ဏနာ
18. Nagganiddesavaṇṇanā
၁၆၆. ‘‘န တ္ဝေဝ နဂ္ဂေန အာဂန္တဗ္ဗံ, ယော အာဂစ္ဆေယ္ယ, အာပတ္တိ ဒုက္ကဋသ္သာ’’တိ (ပာရာ. ၅၁၇) ဝုတ္တတ္တာ (စူဠဝ. ၂၆၁;) ‘‘နဂ္ဂော မဂ္ဂံ န ဝဇေ’’တိ ဝုတ္တံ။
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
၁၆၇. ပဋိစ္ဆာဒိသူတိ ‘‘တေန ခော ပန သမယေန ဘိက္ခူ ဇန္တာဃရေပိ ဥဒကေပိ ပရိကမ္မံ ကာတုံ ကုက္ကုစ္စာယန္တိ။ အနုဇာနာမိ, ဘိက္ခဝေ, တိသ္သော ပဋိစ္ဆာဒိယော ဇန္တာဃရပ္ပဋိစ္ဆာဒိံ ဥဒကပ္ပဋိစ္ဆာဒိံ ဝတ္ထပ္ပဋိစ္ဆာဒိ’’န္တိ ဧဝံ ဝုတ္တာသု တီသု ပဋိစ္ဆာဒီသူတိ အတ္ထော။ ဒုဝေတိ ဧတာသု တီသု ပဋိစ္ဆာဒီသု ဥဒကဇန္တာဃရပ္ပဋိစ္ဆာဒိယော ပရိကမ္မေ ကပ္ပန္တီတိ အဓိပ္ပာယော။ ဝတ္ထစ္ဆာဒီတိ ဝတ္ထပ္ပဋိစ္ဆာဒိ။ သဗ္ဗတ္ထာတိ ခာဒနီယသာယနီယာဒီသု သဗ္ဗကမ္မေသု ကပ္ပိယာတိ အတ္ထော။ နဂ္ဂဝိနိစ္ဆယော။
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
နဂ္ဂနိဒ္ဒေသဝဏ္ဏနာ နိဋ္ဌိတာ။
Nagganiddesavaṇṇanā niṭṭhitā.
