| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๑๘. นคฺคนิเทฺทสวณฺณนา
18. Nagganiddesavaṇṇanā
๑๖๖. ‘‘วเช’’ติอาทีสุ น-สโทฺท สมฺพนฺธิตโพฺพฯ ตตฺถ ปน ยถานุรูปโภชนาทิกํ กมฺมวจนํ อชฺฌาหริตฺวา ‘‘โภชนํ น ภุเญฺช’’ติอาทินา อโตฺถ เวทิตโพฺพฯ
166.‘‘Vaje’’tiādīsu na-saddo sambandhitabbo. Tattha pana yathānurūpabhojanādikaṃ kammavacanaṃ ajjhāharitvā ‘‘bhojanaṃ na bhuñje’’tiādinā attho veditabbo.
๑๖๗. น กเรติ หตฺถกมฺมาทิกํ ปริกมฺมํ สยมฺปิ น กเรยฺยาติ อโตฺถฯ ปฎิจฺฉาทีสูติ นิทฺธารเณ ภุมฺมํ, ชนฺตาฆรุทกวตฺถปฺปฎิจฺฉาทีนํ มเชฺฌติ อโตฺถฯ ปริกเมฺม ทุเว กปฺปิยาติ สมฺพโนฺธฯ ปริกเมฺมติ ชนฺตาฆเร อุทเกปิ อุปชฺฌายาทีนํ กตฺตพฺพปริกมฺมวิสเย, น อภิวาทนาทีสุฯ ทุเวติ ชนฺตาฆรอุทกปฺปฎิจฺฉาทโยฯ ฉาเทนฺติ เอตายาติ ฉาทิ, วตฺถสฺส ฉาทิ วตฺถจฺฉาทิฯ สพฺพตฺถาติ สพฺพกเมฺมสูติฯ
167.Nakareti hatthakammādikaṃ parikammaṃ sayampi na kareyyāti attho. Paṭicchādīsūti niddhāraṇe bhummaṃ, jantāgharudakavatthappaṭicchādīnaṃ majjheti attho. Parikamme duve kappiyāti sambandho. Parikammeti jantāghare udakepi upajjhāyādīnaṃ kattabbaparikammavisaye, na abhivādanādīsu. Duveti jantāgharaudakappaṭicchādayo. Chādenti etāyāti chādi, vatthassa chādi vatthacchādi. Sabbatthāti sabbakammesūti.
นคฺคนิเทฺทสวณฺณนา นิฎฺฐิตาฯ
Nagganiddesavaṇṇanā niṭṭhitā.
