| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๑๘. นคฺคนิเทฺทสวณฺณนา
18. Nagganiddesavaṇṇanā
๑๖๖. ‘‘น เตฺวว นเคฺคน อาคนฺตพฺพํ, โย อาคเจฺฉยฺย, อาปตฺติ ทุกฺกฎสฺสา’’ติ (ปารา. ๕๑๗) วุตฺตตฺตา (จูฬว. ๒๖๑;) ‘‘นโคฺค มคฺคํ น วเช’’ติ วุตฺตํฯ
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
๑๖๗. ปฎิจฺฉาทิสูติ ‘‘เตน โข ปน สมเยน ภิกฺขู ชนฺตาฆเรปิ อุทเกปิ ปริกมฺมํ กาตุํ กุกฺกุจฺจายนฺติฯ อนุชานามิ, ภิกฺขเว, ติโสฺส ปฎิจฺฉาทิโย ชนฺตาฆรปฺปฎิจฺฉาทิํ อุทกปฺปฎิจฺฉาทิํ วตฺถปฺปฎิจฺฉาทิ’’นฺติ เอวํ วุตฺตาสุ ตีสุ ปฎิจฺฉาทีสูติ อโตฺถฯ ทุเวติ เอตาสุ ตีสุ ปฎิจฺฉาทีสุ อุทกชนฺตาฆรปฺปฎิจฺฉาทิโย ปริกเมฺม กปฺปนฺตีติ อธิปฺปาโยฯ วตฺถจฺฉาทีติ วตฺถปฺปฎิจฺฉาทิฯ สพฺพตฺถาติ ขาทนียสายนียาทีสุ สพฺพกเมฺมสุ กปฺปิยาติ อโตฺถฯ นคฺควินิจฺฉโยฯ
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
นคฺคนิเทฺทสวณฺณนา นิฎฺฐิตาฯ
Nagganiddesavaṇṇanā niṭṭhitā.
