| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
૧૮. નગ્ગનિદ્દેસવણ્ણના
18. Nagganiddesavaṇṇanā
૧૬૬. ‘‘વજે’’તિઆદીસુ ન-સદ્દો સમ્બન્ધિતબ્બો. તત્થ પન યથાનુરૂપભોજનાદિકં કમ્મવચનં અજ્ઝાહરિત્વા ‘‘ભોજનં ન ભુઞ્જે’’તિઆદિના અત્થો વેદિતબ્બો.
166.‘‘Vaje’’tiādīsu na-saddo sambandhitabbo. Tattha pana yathānurūpabhojanādikaṃ kammavacanaṃ ajjhāharitvā ‘‘bhojanaṃ na bhuñje’’tiādinā attho veditabbo.
૧૬૭. ન કરેતિ હત્થકમ્માદિકં પરિકમ્મં સયમ્પિ ન કરેય્યાતિ અત્થો. પટિચ્છાદીસૂતિ નિદ્ધારણે ભુમ્મં, જન્તાઘરુદકવત્થપ્પટિચ્છાદીનં મજ્ઝેતિ અત્થો. પરિકમ્મે દુવે કપ્પિયાતિ સમ્બન્ધો. પરિકમ્મેતિ જન્તાઘરે ઉદકેપિ ઉપજ્ઝાયાદીનં કત્તબ્બપરિકમ્મવિસયે, ન અભિવાદનાદીસુ. દુવેતિ જન્તાઘરઉદકપ્પટિચ્છાદયો. છાદેન્તિ એતાયાતિ છાદિ, વત્થસ્સ છાદિ વત્થચ્છાદિ. સબ્બત્થાતિ સબ્બકમ્મેસૂતિ.
167.Nakareti hatthakammādikaṃ parikammaṃ sayampi na kareyyāti attho. Paṭicchādīsūti niddhāraṇe bhummaṃ, jantāgharudakavatthappaṭicchādīnaṃ majjheti attho. Parikamme duve kappiyāti sambandho. Parikammeti jantāghare udakepi upajjhāyādīnaṃ kattabbaparikammavisaye, na abhivādanādīsu. Duveti jantāgharaudakappaṭicchādayo. Chādenti etāyāti chādi, vatthassa chādi vatthacchādi. Sabbatthāti sabbakammesūti.
નગ્ગનિદ્દેસવણ્ણના નિટ્ઠિતા.
Nagganiddesavaṇṇanā niṭṭhitā.
