| Library / Tipiṭaka / திபிடக • Tipiṭaka / விமானவத்து²பாளி • Vimānavatthupāḷi |
3. நாக³விமானவத்து²
3. Nāgavimānavatthu
705.
705.
‘‘அலங்கதா மணிகஞ்சனாசிதங், ஸோவண்ணஜாலசிதங் மஹந்தங்;
‘‘Alaṅkatā maṇikañcanācitaṃ, sovaṇṇajālacitaṃ mahantaṃ;
அபி⁴ருய்ஹ க³ஜவரங் ஸுகப்பிதங், இதா⁴க³மா வேஹாயஸங் 1 அந்தலிக்கே².
Abhiruyha gajavaraṃ sukappitaṃ, idhāgamā vehāyasaṃ 2 antalikkhe.
706.
706.
‘‘நாக³ஸ்ஸ த³ந்தேஸு து³வேஸு நிம்மிதா, அச்சோ²த³கா 3 பது³மினியோ ஸுபு²ல்லா;
‘‘Nāgassa dantesu duvesu nimmitā, acchodakā 4 paduminiyo suphullā;
பது³மேஸு ச துரியக³ணா பபி⁴ஜ்ஜரே, இமா ச நச்சந்தி மனோஹராயோ.
Padumesu ca turiyagaṇā pabhijjare, imā ca naccanti manoharāyo.
707.
707.
‘‘தே³வித்³தி⁴பத்தாஸி மஹானுபா⁴வே, மனுஸ்ஸபூ⁴தா கிமகாஸி புஞ்ஞங்;
‘‘Deviddhipattāsi mahānubhāve, manussabhūtā kimakāsi puññaṃ;
கேனாஸி ஏவங் ஜலிதானுபா⁴வா, வண்ணோ ச தே ஸப்³ப³தி³ஸா பபா⁴ஸதீ’’தி.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
708.
708.
‘‘பா³ராணஸியங் உபஸங்கமித்வா, பு³த்³த⁴ஸ்ஸஹங் வத்த²யுக³ங் அதா³ஸிங்;
‘‘Bārāṇasiyaṃ upasaṅkamitvā, buddhassahaṃ vatthayugaṃ adāsiṃ;
பாதா³னி வந்தி³த்வா 5 ச²மா நிஸீதி³ங், வித்தா சஹங் அஞ்ஜலிகங் அகாஸிங்.
Pādāni vanditvā 6 chamā nisīdiṃ, vittā cahaṃ añjalikaṃ akāsiṃ.
709.
709.
‘‘பு³த்³தோ⁴ ச மே கஞ்சனஸன்னிப⁴த்தசோ, அதே³ஸயி ஸமுத³யது³க்க²னிச்சதங்;
‘‘Buddho ca me kañcanasannibhattaco, adesayi samudayadukkhaniccataṃ;
அஸங்க²தங் து³க்க²னிரோத⁴ஸஸ்ஸதங், மக்³க³ங் அதே³ஸயி 7 யதோ விஜானிஸங்;
Asaṅkhataṃ dukkhanirodhasassataṃ, maggaṃ adesayi 8 yato vijānisaṃ;
710.
710.
‘‘அப்பாயுகீ காலகதா ததோ சுதா, உபபன்னா தித³ஸக³ணங் யஸஸ்ஸினீ;
‘‘Appāyukī kālakatā tato cutā, upapannā tidasagaṇaṃ yasassinī;
ஸக்கஸ்ஸஹங் அஞ்ஞதரா பஜாபதி, யஸுத்தரா நாம தி³ஸாஸு விஸ்ஸுதா’’தி.
Sakkassahaṃ aññatarā pajāpati, yasuttarā nāma disāsu vissutā’’ti.
நாக³விமானங் ததியங்.
Nāgavimānaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / விமானவத்து²-அட்ட²கதா² • Vimānavatthu-aṭṭhakathā / 3. நாக³விமானவண்ணனா • 3. Nāgavimānavaṇṇanā
